Hôsia 2:5 - Sơ̆p Hlabơar Nơ̆r 'Bok Kei-Dei

⁵ Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Hôsia 2:5 Iomraidhean Croise

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Je 11:13

Lu iĕm đei rup yang lơ dêh thoi iĕm đei pơlei, ơ bơngai Juđa; lu chơnang soi pơm kơ lu iĕm mơlâu, mă lu iĕm pơdơ̆ng anih boih wă soh 'long 'bâu phu kơ yang Baal lơ nhen thoi trong glung lăm pơlei Jêrusalem!”

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 6:8

Ơ pơlei Jêrusalem mơ̆ng bĕ nơ̆r chrih bơtho, kơnh Inh achăng lê̆ iĕm, Kơnh pơm ăn kơ iĕm jing bri juơ, ưh kơ đei bu oei.

Êsêkiên 16:35

Na ơ bơngai pơm đi, athei mơ̆ng bĕ nơ̆r Kră Yang.

Êsêkiên 16:39

Inh gô jao ih lăm tơpang ti lu bơngai mă ih hưch. Lu sư gô teh tơpăk anih kơjung ih păng teh tơlơ̆ lu anih ih juăt kơkuh, iŏk lê̆ tơmam ih pơguăng păng plôh yaih lê̆ hơbĕn ao ih, lê̆ ih akâu hoh.

Êsêkiên 16:4

Tơdrong tơpŭ kơ ih thoi âu, lăm năr 'nao tơpŭ kơ ih, tơlei klŏk ih tam mă kăt, tam mă tơhum ih rơgoh, tam mă pung lơlĭ hăm 'boh, tam mă pôn hăm che.

Hôsia 1:2

Kơplah Kră Yang pơtơm khan kơ Hôsia, Kră Yang khan kơ sư: Năm bĕ, iŏk oei kơ akăn luĕl 'blal păng pơjing kon pơm kư̆ kă yua kơ lăm dêh char âu pơm pơyô kư̆ kă kơnê̆ dêh, đei achăng lê̆ Kră Yang.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Hôsia 2:8

Sư ưh tam mă băt kơ Inh, Inh boih Tơ'ngla ăn kơ sư phe 'ba, sik 'nao păng đak rơmă noh, kư̆m ăn thim hu, maih lơ mă-lei lu sư pơyơ̆r ăn kơ yang Baal.

Hôsia 3:1

Kră Yang khan kơ inh: “Năm 'mêm bĕ kơ akăn ih mă drŏ-kăn pơm đi, đei pơm pơyô boih; 'mêm kơ sư thoi Kră Yang oei 'mêm kơ kon pơlei Isơrael, mă khan lu sư kiơ̆ yang nai păng 'maih sa 'bĕng plei hơmu 'ngam.”

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.

Hôsia 8:9

Lu sư tŏk boih tơ dêh Asiri, thoi minh pôm aseh iĕ bri chă hoang hơdrô̆; lu bơngai Êphraim tĕch lu sư boih tơ lu bơngai pơm pơyô kư̆ kă mă lu sư hưch.

Hôsia 9:10

Lăp Inh 'bôh boih khŭl Isơrael, lu sư thoi hơie plei hơmu tơ lăm char glă. Lăp Inh 'bôh boih 'bok lu iĕm lu sư thoi plei hơra đum blŭng-a lăm bơyan plei; mă-lei lăp lu sư năm mơ̆t boih lăm anih Baal Pêôr; lu sư jao lu sư kơdih kơ rup yang Baal mơlâu kơdơ̆, na lu sư jing tơmam mă Kră Yang 'Bok Kei-Dei hil areh thoi rup yang lu sư mă lu sư 'mêm.

Am 8:13

Lăm năr noh, lu adruh hơlai 'lơ̆ng hơbŏ păng lu tơdăm gô rơdu rơmơ̆n, yua kơ rơhing.

Lu 16:23

Kơplah 'noh lu yŏng pơgơ̆r Philistin akŭm đĭ-đăng bơngai Philistin wă pơyơ̆r tơmam soi tih ăn kơ yang Dagôn, yang tih lu sư. Hiôk chơt dih băl, lu sư khan: Yang bơ̆n pơjao boih Samsơn lăm tơpang ti lu bơ̆n, sư bơngai ayăt kơ bơ̆n.