Hôsia 2:3 - Sơ̆p Hlabơar Nơ̆r 'Bok Kei-Dei

³ Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Hôsia 2:3 Iomraidhean Croise

Le 17:3

Kon pơlei oei tơ noh ưh kơ đei đak, rơhing 'maih nhă, na hil jŏk kơ Môis khan: Liơ ih chông ba lu nhôn lĕch đơ̆ng dêh Êyiptơ, wă kơ lu nhôn, kon sâu nhôn păng sem dơrong lôch rơhing kơ đak?

Êsai 33:9

Teh đak nhơ̆m hmoi ơh sơ'ngon đĭ jing juơ. Liban kơdơ̆ mơlâu păng jô hŏnh, dêh char Sarôn nhen thoi char glă Araba, dêh char Basan păng kông Karmel hla sư hơlŭng ruh đĭ.

Êsai 47:3

Akâu hoh ih gô pơdah tơ 'nguaih Tơdrong mơlâu ih gô 'bôh! Inh gô pơm 'mong plơ̆, ưh kơ đei lon minh 'nu bu ôh.

Êsai 64:10

Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.

Je 12:10

Lu bơngai wei triu pơrăm boih mir hơmu Inh; Pơjuă gơhlơ̆r teh Inh jang sa; lu sư pơm kơ teh 'lơ̆ng Inh jing bri juơ.

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Je 13:26

Inh gô plôh lê̆ hơbĕn iĕm truh tơ muh măt iĕm, na gô 'bôh tơdrong mơlâu iĕm.

Je 14:3

Lu yŏng tơ'ngla wơh lu đĭch đam sư năm chă đak, lu sư năm tơ sơlŭng đak mă-lei ưh kơ đei 'bôh đak, lu sư wih brŏk ge hoh; lu yŏng tơ'ngla mơlâu hlơ̆l, gom lê̆ kơ̆l lu sư.

Je 17:6

Sư nhen thoi tơnơm 'long lăm bri, chăt tơ anih tơmo hơga lăm char glă. Lăm teh 'băt 'boh, ưh kơ đei bơngai oei. Bơngai noh ưh kơ đei 'bôh pŭn hiôk truh.

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Je 22:6

Kră Yang khan gah hnam pơtao Juđa: “Mă khan Inh lăng ih thoi char Gileat, kư̆m rŏ krưp thoi kơ̆l kông Liban, Mă-lei Inh pơkă wă pơm kơ ih jing thoi char glă, lu pơlei ưh pă đei bơngai oei.

Je 4:26

Inh 'bôh mir chŭn teh mơ̆r jing char glă. Đĭ-đăng pơlei jing rơ̆m rĕk. 'Bơ̆t anăp Kră Yang đơ̆ng tơdrong Sư hil mĭl.

Je 51:43

Lu pơlei sư jing juơ, Teh đak Babilôn hrĕng kro jing juơ ưh pă đei bơngai oei, Kŭm ưh kơ đei bơngai bu chă yak drong găn.

Je 51:5

Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Êsêkiên 16:22

Lăm dôm tơdrong kơnê̆ krưp, tơdrong pơm pơyô kư̆ kă, ih ưh kơ 'blŏk ôh kơplah năr oei nge, oei koh hoh, pơpơ̆ lăm pham kơdih.

Êsêkiên 19:13

Dang ei pơtăm sư tơ char glă lăm teh hrĕng kro ưh kơ đei đak.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Hôsia 2:10

Inh gô pơdah tơdrong mơlâu sư, 'bơ̆t anăp lu pơyô sư, păng ưh kơ đei bu dŏng pơklaih sư đơ̆ng ti Inh.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Lu 15:18

Yua kơ sư rơhing 'maih nhă đak dêh na sư krao apinh Kră Yang khan: “Ih ăn boih kơ đĭch đam ih tơdrong jơnei tih dêh âu, na dang ei inh wă lôch ngôi rơhing đak, na kư̆m wă huŏng 'bônh lăm ti lu bơngai ưh kơ chu kăt tơdra akar hă?”