Hôsia 2:18 - Sơ̆p Hlabơar Nơ̆r 'Bok Kei-Dei

¹⁸ Lăm năr noh, Inh pơgơ̆p kon pơlei Inh hăm lu sem bri, lu sem păr păng lu hơdrông kơep mơmŏ kơpal teh Inh kư̆m gô gơ̆ lê̆ đĭ đao gưm, hră đơ̆ng lăm teh đak âu, pơgăn lê̆ lu tơdrong tơblah tơblŭng păng pơm ăn kơ kon pơlei tep pơdơh hiôk-hian.

Hôsia 2:18 Iomraidhean Croise

Jop 5:22

Ih gô hiĕk hơđơ̆ng mă tơdrong răm păng tơdrong pơngot rơwĕt truh. Mă sem bri ih kư̆m huay kơ hli.

Jop 5:23

Mir chŭn ih choh huay kơ tơmo păng lu sem bri brah oei hiôk hăm ih.

Horiso 148:10

Kon sem bri păng lu kon sem dơrong. Kon hơdrông păng lu kon sem păr.

Horiso 23:2

Sư ăn kơ inh pơdơh tơ 'nhĕt hơdrih, ba inh tơ đak hlăng.

Horiso 46:9

Sư pơtôch tơdrong tơblah jơ̆p-jang teh đak. Gơ̆ lê̆ hră, gơ̆ lê̆? Tơju rơkhai rơkhônh. Sư soh lê̆ gre tơ lăm ŭnh.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 32:18

Kon pơlei Inh gô pơdơh oei lăm anih hiôk-hian, lăm hnam hiôk hơđơ̆ng, lăm anih pơdơh rơnŭk rơnua.

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Êsai 65:25

Kŏ-so hăm triu kon gô sa hơdai, dăm-brang sa hơnong 'ba thoi rơmo, 'bih gô sa 'mui teh. Gô ưh pă đei bu wă pơm kơnê̆, dah wă pơrăm lăm jơ̆p-jang kông rơgoh Inh,” Kră Yang khan thoi noh.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Je 33:16

Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Êsêkiên 34:25

Inh gô pơjing tơdrong pơgơ̆p hiôk-hian hăm lu sư. Inh pơpuh lu sem bri đơ̆ng teh weh tơ nai; lei wă kơ lu sư oei sa hiôk-hian tơ anih bri rơwơ̆ng.

Êsêkiên 39:1

Ơ kon bơngai, khan lê̆ adrol blah Gôk, khan bĕ kơ sư: “Kră Yang khan thoi âu: Ơ Gôk pơtao đe Rôs, Mêsêk păng Tubal, Inh blah ih.

Sa 14:4

Lăm năr noh; jơ̆ng Sư gô dơ̆ng kơpal kông ôliwơ, kông mă tơklă Jêrusalem gah hơlĕch; păng kông ôliwơ gô pơchah tŏk-bŏk, minh pah gah hơlĕch, minh pah gah bơmơ̆t, dĭng mah jing minh pôm thong jrŭ să; minh puăt kông noh hiŏng tơ gah gơal, minh puăt hiŏng gah yă-nơ̆m.

Sa 14:9

Kră Yang gô pơm Pơtao jơ̆p kơ teh đak; lăm năr noh, Kră Yang gô jing minh đĕch.

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

Sa 3:10

Kră Yang khan: “Lăm năr noh, lu iĕm gô krao pơtơm lu bôl buăl rông 'bôt hơ-oei ala tơm hơmu păng tơm 'long hơra.”

Sa 9:10

Inh gô pơrăm lu gre aseh đơ̆ng Êphraim păng aseh đơ̆ng Jêrusalem; hră mă đe tơblah Inh gô gơ̆ lê̆ păng Sư gô sơkat ăn pŭn hiôk kơ adrĕch kon bơngai; tơdrong mơsêh Sư truh tơ jơ̆p lăm đak dơsĭ âu truh tơ dơsĭ to, đơ̆ng glung tih truh tơ tôch kơ teh đak.