Hôsia 2:13 - Sơ̆p Hlabơar Nơ̆r 'Bok Kei-Dei

¹³ Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Hôsia 2:13 Iomraidhean Croise

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Pot 10:28

Jêhu pơrăm yang Baal pơtôch lê̆ đơ̆ng lu bơngai Isơrael.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

Jop 8:13

Noh bơih tơdrong truh kơ lu bơngai mă sơngah kơ Kră Yang 'Bok Kei-Dei; lu bơngai mă ưh kơ lui tơdrong hơmĕng lu sư hiong đĭ.

Horiso 106:13

Mă-lei lu sư 'bônh kơ hiơt kơ tơdrong Sư đei pơm boih. Ưh pă đei gô nơ̆r Kră Yang pơđâu.

Horiso 106:21

Lu sư hiơt kơ Kră Yang 'Bok Kei-Dei Tơ'ngla dŏng pơklaih lu sư. Păng đei pơm lơ tơdrong tih tơ Êyiptơ,

Horiso 78:11

Hiơt đĭ dôm tơdrong jang Kră Yang mă đei pơm. Păng tơdrong hlĭch chrơp mă Kră Yang đei tơ'bôh ăn kơ lu sư.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Je 11:13

Lu iĕm đei rup yang lơ dêh thoi iĕm đei pơlei, ơ bơngai Juđa; lu chơnang soi pơm kơ lu iĕm mơlâu, mă lu iĕm pơdơ̆ng anih boih wă soh 'long 'bâu phu kơ yang Baal lơ nhen thoi trong glung lăm pơlei Jêrusalem!”

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Nhom 5:14

Lu kră drŏ-nglo pă đei ngôi pơđâu 'bơ̆t 'măng jang pơlei tih, Lu tơdăm 'lơ̆p pă đei reh brŏ hơri.

Êsêkiên 16:12

Đoh ăn gŏp tơ muh, đoh ăn maih tơ đon, pơyơ̆l ăn hơgăl pơkao tơ kơ̆l ih.

Êsêkiên 16:17

Ih kư̆m iŏk tơmam pơhrôp pơm hăm maih, hu, mă Inh ăn kơ ih boih; ih pơm lu rup akâu drŏ-nglo, na pơm pơyô kư̆ kă hăm lu noh.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Hôsia 13:1

Rim wơ̆t bơngai Êphraim pơma, lu đe hli tơtơ̆; đe pôk hơtŏk lu sư lăm char Isơrael. Mă-lei lu sư yoch boih yua kơ đơ̆ng kơkuh kơ yang Baal na pơm kơ lu sư lôch.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Hôsia 2:7

Sư gô druh kiơ̆ pơyô so sư mă-lei ưh kơ tam, chă mă-lei ưh kơ tơ'bơ̆p. Đơ̆ng noh sư gô khan: ‘Inh gô wih tơ klo inh mă adrol; yua kơplah noh inh hiôk hloh kơ dang ei.’

Hôsia 4:13

Lu sư pơm yang kơpal kông, păng soh 'long 'bâu phu tơ kơpal groi, tơ ala tơm 'long kôih, 'long hơngo, 'long têrebin yua kơ đei yơ̆p rơngơp dêh. Yua kơ thoi noh na lu kon adruh lu iĕm pơm pơyô kư̆ kă, păng mŏ mai iĕm tơtông pơyô hăm đe nai.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Both 32:18

Ih sơngah kơ Tơmo Tih tơ'ngla pơjing ih, Hiơt boih kơ Kră Yang 'Bok Kei-Dei Tơ'ngla pơjing ih.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.

I Sam 12:9

Mă-lei lu sư hiơt kơ Kră Yang 'Bok Kei-Dei lu sư, na Sư ăn lu sư kơ Sisêra, yŏng lu linh kơ pơtao đe Hasor, ăn lu sư lăm ti đe Philistin păng ăn kơ pơtao Môap; lu đe noh tơblah pơrăm lu sư.