Hôsia 2:11 - Sơ̆p Hlabơar Nơ̆r 'Bok Kei-Dei

¹¹ Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Hôsia 2:11 Iomraidhean Croise

I Pot 12:32

Jêrôbôam kư̆m đei tơchĕng wă pơjing minh tơdrong pơm giĕng lăm khei tơhngam năr mơjĭt-pơđăm, thoi đe juăt kơ pơm giĕng lăm dêh Juđa, na sư pơyơ̆r lu tơmam soi tơ kơpal chơnang. Sư pơm tơdrong noh tơ pơlei Bethel, pơyơ̆r tơmam soi sơmah kơ 'bar tŏ rup yang kon rơmo mă sư đei pơm bơih păng maih. Pơtao kư̆m dan tơ pơlei Bethel lu 'bok soi, oei lăm hnam mă sư pơm bơih tơ anih kơjung 'noh.

Je 16:9

'Nâu Kră Yang Tih Hloh 'Bok Kei-Dei bơngai Isơrael khan: “'Nâu 'bơ̆t anăp măt lu iĕm, lăm chăl arih iĕm, Inh gô pơtôch lê̆ chơt hiôk lăm char âu. Kŭm ưh pă đei nơ̆r ŏng mai hiĕk chơt hiôk năr pơkong klo kăn dơ̆ng.

Je 25:10

Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Êsêkiên 26:13

Inh gô pơm kơ nơ̆r hơri ih kơtĕch, đe ưh pă kơtơ̆ng re brŏ dung ih dơ̆ng.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Hôsia 5:7

Lu sư oei arih sa ưh kơ tơpăt ôh hăm Kră Yang. Lu sư pŭ kon pôm đơ̆ng pơm pơyô kư̆ kă. Giĕng Khei 'Nao gô pơrăm sa pơđĭ lu sư lu sư hăm dêh char lu sư.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Am 5:21

Inh areh, inh sơ'ngon kơ năr iĕm pơm kơ̆m giĕng; Inh ưh kơ hiôk gah tơdrong iĕm akŭm kơkuh tih noh.

Am 8:3

Lăm năr noh, dôm lu tơdrong hơri lăm hnam pơtao gô jing nơ̆r nhơ̆m hmoi Kră Yang khan. Gô đei lơ akâu bơngai lôch đe gô klơ̆m hŭt lê̆ tơ jơ̆p anih hreh tơthĕng.

Am 8:5

Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.