Hôsia 14:1 - Sơ̆p Hlabơar Nơ̆r 'Bok Kei-Dei

¹ Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Hôsia 14:1 Iomraidhean Croise

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

Êsai 19:22

Kră Yang gô teh bơtho dêh char Êyiptơ đơ̆ng noh hơmet pơklaih lu sư dơ̆ng, lu sư gô wih tơ Kră Yang, Kră Yang gô mơ̆ng nơ̆r lu sư krao khan păng ming pơklaih ăn.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 4:1

Kră Yang khan: “Ơ Isơrael, tơdah ih wă wih brŏk tơ Inh, wih brŏk tơ Inh bĕ, Tơdah ih hŭt lê̆ dôm tơmam kơkuh kơ yang kơnê̆ đơ̆ng anăp Inh, Păng ih huay pă weh tơ nai dơ̆ng.

Nhom 5:16

Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

Êsêkiên 16:46

Mŏ ih Samari, oei hăm lu kon drŏ-kăn sư tơ gah yă-nơ̆m kơ ih; păng lu oh ih pơlei Sôđôm oei hơdai hăm lu kon drŏ-kăn sư tơ gah gơal kơ ih.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 33:14

Kŭm thoi noh mơ̆n tơdah Inh khan kơ bơngai pơm yoch, Tơpă ih gô lôch mă-lei tơdah sư achăng lê̆ tơdrong yoch na pơm tơdrong tơpăt pơm 'lơ̆ng;

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Hôsia 12:8

Lu bơngai Êphraim pơang akâu kơdih khan: Sĭt tơpă Inh jing bơngai mơdrŏng, inh đei mŭk lơ. Lăm đĭ dôm tơdrong jang mă Inh pơm ưh kơ đe 'bôh minh tơdrong jang kiơ khan yoch kơnê̆.

Hôsia 13:9

Ơ lu bơngai Isơrael, Inh gô pơrăm iĕm, yua kơ lu iĕm sơngah păng blah Inh, Tơ'ngla mă dŏng tơgŭm iĕm.

Hôsia 4:8

Lu sư 'me rong lu sư kơdih hăm tơdrong yoch kon pơlei Inh, lu sư hưch ham kơ tơmam sa đơ̆ng tơdrong kơnê̆ kon pơlei Inh pơm.

Hôsia 5:5

Tơdrong pơang lu bơngai Isơrael kơdranh blah lu sư; khŭl Isơrael, khŭl Êphraim gô pơ̆k huŏng yua kơ tơdrong yoch lu sư kơdih. Khŭl Juđa kư̆m gô pơ̆k huŏng hơdai hăm lu sư.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Hôsia 9:13

Lu bơngai Êphraim thoi inh đei rơih boih plei đe pơtăm boih lăm teh jing 'lơ̆ng thoi Tir. Mă-lei bơngai Êphraim gô chông anhăk ba kon sâu lu sư tơ anih đe pơlôch pơrăm.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.