Hôsia 13:8 - Sơ̆p Hlabơar Nơ̆r 'Bok Kei-Dei

⁸ Inh gô châu lu sư thoi chơgơu yŏng bruh kơ đe rôp tơgar iŏk kon sư. Inh gô châu hek hơđah kơtơh lu sư, đơ̆ng noh inh gô kăp sa lu sư thoi dăm-brang yŏng. Lu sem bri gô hek sa lu sư.

Hôsia 13:8 Iomraidhean Croise

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

Horiso 50:22

Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

Horiso 80:13

Lê̆ hơke chưk sa păng lu kon sem bri sa sư,

Tơdrông Pơđơk 17:12

Kơtrơ̆m tơ'bơ̆p chơgơu yŏng đe tơgar iŏk kon sư. Hloh kơ tơ'bơ̆p bơngai kơwao kơplah sư hil hơwĕng.

Êsai 5:29

Lu sư ôr jơwa thoi dăm-brang akăn, gơhuh nhen dăm-brang mơlôh, lu sư grĕnh chă rôp sa sem bri păng hor ba, ưh kơ đei bu kĕ dŏng pơklaih ôh.

Êsai 56:9

Ơ khŭl sem dơrong tơ anih tơmăn glă, Khŭl lu sem bri, đĭ-đăng năm sa bĕ.

Je 12:9

Kon pơlei Inh hăm trŏ thoi klang, Lu klang nai wang tăp dăr wă pơm kơ kon pơlei Inh hă? Akŭm bĕ đĭ-đăng lu sem bri, ba lu sư sa kon pơlei Inh.

Je 25:38

Thoi dăm-brang sư lĕch boih đơ̆ng anih sư. Teh đak lu sư gô jing juơ, yua kơ đao gưm han tơpă pơm kơ lu sư. Păng yua kơ tơdrong Kră Yang hil mĭl.

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.