Hôsia 13:6 - Sơ̆p Hlabơar Nơ̆r 'Bok Kei-Dei

⁶ Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Hôsia 13:6 Iomraidhean Croise

Ne 9:35

Tơ lăm dêh sư oei pŭn hiôk rơkah rơkai đơ̆ng Ih ăn, teh rơhơi să păng jing 'lơ̆ng Ih asong ăn, mă-lei lu sư ưh kơ wă kơkuh kơ Ih, ưh kơ weh ôh đơ̆ng tơdrong jang kơnê̆ lu sư.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Êsêkiên 28:5

Đơ̆ng tơdrong gơh hơgei mơdro sa noh ih jing mơdrŏng tih thoi noh na jơhngơ̆m ih pơang yua kơ ih mơdrŏng tih.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Hôsia 12:8

Lu bơngai Êphraim pơang akâu kơdih khan: Sĭt tơpă Inh jing bơngai mơdrŏng, inh đei mŭk lơ. Lăm đĭ dôm tơdrong jang mă Inh pơm ưh kơ đe 'bôh minh tơdrong jang kiơ khan yoch kơnê̆.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Hôsia 2:7

Sư gô druh kiơ̆ pơyô so sư mă-lei ưh kơ tam, chă mă-lei ưh kơ tơ'bơ̆p. Đơ̆ng noh sư gô khan: ‘Inh gô wih tơ klo inh mă adrol; yua kơplah noh inh hiôk hloh kơ dang ei.’

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Hôsia 4:7

Lu sư hrôh rai lơ dang yơ, lu sư kư̆m pơm yoch hăm Inh dang noh. Inh gô tơplih tơdrong ư-ang lu sư jing tơdrong mơlâu.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Hôsia 8:4

Lu sư pôk boih pơtao kơdih mă ưh kơ trŏ đơ̆ng Inh, lu sư kư̆m rơih iŏk lu bơngai pơgơ̆r mă-lei kư̆m ưh kơ đei pơdrơ̆ng inh. Lu sư iŏk jên hu, maih lu sư man boih rup yang jing tơdrong pơrăm blơ̆ lu sư kơdih.

Both 32:18

Ih sơngah kơ Tơmo Tih tơ'ngla pơjing ih, Hiơt boih kơ Kră Yang 'Bok Kei-Dei Tơ'ngla pơjing ih.