Hôsia 13:4 - Sơ̆p Hlabơar Nơ̆r 'Bok Kei-Dei

⁴ Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Hôsia 13:4 Iomraidhean Croise

II Pot 18:35

Đĭ-đăng yang jơ̆p-jang dêh char lăm teh đak 'nâu, yang ayơ mă pơklaih bơih dêh char lu sư đơ̆ng tơpang ti inh? Lei na Kră Yang hăm gơh dŏng pơklaih Pơlei Jêrusalem đơ̆ng tơpang ti inh hă?”

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Hôsia 11:1

Kơplah Isơrael oei 'lơ̆p, Inh 'mêm dêh kơ lu sư, păng Inh krao kon drŏ-nglo Inh lĕch đơ̆ng dêh char Êyiptơ.

Hôsia 12:10

Inh kư̆m đei khan boih kơ lu bơngai khan lê̆ adrol; Inh boih đei ăn thim tơdrong tơ'bôh, păng Inh kư̆m đei ăn lu bơngai khan lê̆ adrol pơtruh nơ̆r pơtih gia đơ̆ng Inh.

Hôsia 12:9

Mă-lei Inh boih Kră Yang 'Bok Kei-Dei lu iĕm đơ̆ng năr iĕm lĕch đơ̆ng dêh char Êyiptơ; Inh gô ăn kơ lu iĕm oei tơ lăm bơsŭn dơ̆ng kư̆m thoi lăm năr pơm hơmet sŏng sa tih sơ̆.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Hôsia 2:20

Tơpă Inh gô tơ'bôh kơ ih tơdrong tơpăt sĭt, na ih gô băt kơ Kră Yang.

Jôna 2:10

Kră Yang athei ka, na ka năm hăk lê̆ Jôna tơ jih đak dơsĭ.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”