Hôsia 12:13 - Sơ̆p Hlabơar Nơ̆r 'Bok Kei-Dei

¹³ Kră Yang yua minh 'nu 'bok khan lê̆ adrol chông anhăk Isơrael lĕch boih đơ̆ng char Êyiptơ, păng yua minh 'nu 'bok khan lê̆ adrol wei-lăng sư.

Hôsia 12:13 Iomraidhean Croise

Bl 28:2

Iung yak bĕ, năm tơ tơring Phadan Aram, tơ hnam Bêthuel, 'bok gah mĕ e, na oei hloi kơ lu kon đe mih e La'ban.

Bl 29:20

Thoi noh, Jakôp yua kơ Rachel, na sư lăng tơpơh sơnăm noh dang lăp 'bar pêng năr.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 14:19

Linh jang 'lơ̆ng Kră Yang 'Bok Kei-Dei oei năm adrol kơ lu kon pơlei Isơrael kơplah noh păng hơlơ̆k yak kiơ̆ đơ̆ng rŏng lu sư; na jrăng hơmơ̆l kư̆m năm đơ̆ng rŏng kơ kon pơlei;

Hôsia 11:1

Kơplah Isơrael oei 'lơ̆p, Inh 'mêm dêh kơ lu sư, păng Inh krao kon drŏ-nglo Inh lĕch đơ̆ng dêh char Êyiptơ.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Both 26:5

Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.