Hôsia 12:12 - Sơ̆p Hlabơar Nơ̆r 'Bok Kei-Dei

¹² Jakôp kơdâu tơ char Aram, tơ noh Isơrael jang gleh wă kơ đei akăn, yua kơ wă kơ đei akăn, na sư wei triu.

Hôsia 12:12 Iomraidhean Croise

Bl 27:43

Thoi noh, dang ei dăm, mơ̆ng bĕ nơ̆r mĕ, iung năm kơdâu ôn tơ hnam La'ban mih e tơ Charan.

Bl 30:26

Apinh ih jao ăn kon akăn inh kơ inh, yua kơ đei lu sư noh na inh jang tơgŭm ih thoi noh.

Bl 31:41

Noh lăm 'bar-jĭt sơnăm oei lăm hnam ih, mơjĭt-puăn sơnăm tơgŭm jang wă kơ đei oei kơ bre kon adruh ih păng tơdrâu sơnăm wă kơ đei lu sem dơrong đơ̆ng ih, mă-lei ih kư̆m oei đei đon tơplih mơjĭt wơ̆t wă ăn apah inh.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Hôsia 6:8

Gileat jơ̆ pơlei lu bơngai pơm kơnê̆, jơ̆ng lu sư juă tă kơ pham ngăl.

Both 26:5

Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.