Hôsia 11:6 - Sơ̆p Hlabơar Nơ̆r 'Bok Kei-Dei

⁶ Đe gô pơrăm tơ rim pơlei lu sư hăm đao gưm, pơrăm lê̆ 'long chơkăl 'măng jang lu sư, pơlôch lu sư yua kơ tơdrong lu sư chă đon kơnê̆.

Hôsia 11:6 Iomraidhean Croise

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Horiso 106:43

Đei lơ wơ̆t Kră Yang dŏng pơklaih lu sư. Mă-lei lu sư pơrơ̆ng pơm plơ̆. Păng lu sư jing răm lăm tơdrong yoch kơdih.

Êsai 18:5

Adrol kơ bơyan yuă, kơplah pơkao đĭ wă plei. Păng pơkao hơmu đĭ plei wă jê̆ đum, na Kră Yang gô iŏk săng kô kăt lê̆ lu tơ'biĕng păng lu dơng bluh hla dêh.

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsai 30:1

Kră Yang khan: “Răm-'băm dêh kơ lu kon hơ'lơ̆p arăng kơ̆l 'maih chă đon mă ưh kơ trŏ tơdrong Inh wă, pơm tơdrong pơgơ̆p mă ưh kơ đơ̆ng Yang bơhngol 'lơ̆ng Inh, thim tơdrong yoch rai dêh dơ̆ng.

Êsai 9:14

Kơ̆l noh jơ̆ lu 'bok kơdră păng lu bơngai đe pơyom, kiĕng noh jơ̆ lu bơngai khan lê̆ adrol bơtho tơdrong hơlĕnh.

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Je 50:35

Kră Yang khan: “Đao gưm gô blah plơ̆ bơngai Kalđê, lu kon pơlei oei lăm Babilôn, lu yŏng pơgơ̆r păng lu bơngai hơgei lăm char sư.

Nhom 2:9

Lu 'măng jang tơkơ̆l đĭ tơ teh păng gơ̆ lê̆ chơkăl sư; Pơtao hăm lu kră pơlei oei hơdai hăm lu kon pơlei, Jing anih ưh pă đei khôi juăt! Lu 'bok khan lê̆ adrol ưh pă đei 'bôh păng pă đei kơtơ̆ng boih nơ̆r Kră Yang.

Êsêkiên 20:47

Khan bĕ kơ lu bri kơdrơ̆ng gah gơal. Mơ̆ng bĕ nơ̆r Kră Yang: 'Nâu nơ̆r Kră Yang khan: 'Nâu Inh gô tơkuh ŭnh soh lăm tŏk-bŏk lu iĕm, ŭnh gô sa đĭ-đăng lu 'long hơdrih păng lu 'long kro. Ŭnh khơ̆ng ưh kơ đei păt, muh măt rim 'nu lu bơngai lăm char gah gơal truh tơ char gah yă-nơ̆m ŭnh sa khôi đĭ.

Hôsia 10:14

Tơdrong tơblah tơblŭng ơ-ôs ơ-as gô pơm kơ kon pơlei iĕm, đe gô pơrăm dôm lu pơlei kơđông kơjăp lu iĕm, thoi Salman pơrăm pơlei Bêt Arbel lăm năr tơblah băl. Mă đe đei teh pơlôch mĕ hơdai hăm lu kon sư.

Hôsia 10:6

Sĭt tơpă đe gô tung ba rup 'noh tơ char Asiri pơm tơmam thuê̆ pơyơ̆r ăn kơ pơtao tơm Jarep. Lu bơngai Êphraim kơdơ̆, lu bơngai Isơrael gô mơlâu kơdih akâu.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Hôsia 4:16

Lu bơngai Isơrael kơchu thoi rơmo akăn kơchu, na thoi yơ Kră Yang wă 'me rong lu sư thoi kon triu lăm tơmăn 'nhĕt să.

Hôsia 4:17

Lu bơngai Êphraim, pơgơ̆p hơdai rup yang, lê̆ măk ai sư.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Lêwi 26:31

Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Mi 5:11

Inh gô pơrăm lê̆ tơdrong lu pơjâu tơwir, thoi noh na lu iĕm ưh pă đei pơjâu khan lê̆ adrol dơ̆ng.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.

Both 32:25

Tơ rok trong tih, đei đao gưm pơlôch lu sư, tơ lăm hnam đei tơdrong hli tơrơ ling-lang Tơdăm, adruh, bơngai kră păng lu kon nge gô lôch răm đĭ.