Hôsia 11:2 - Sơ̆p Hlabơar Nơ̆r 'Bok Kei-Dei

² Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Hôsia 11:2 Iomraidhean Croise

I Pot 12:33

Sư năm tơ chơnang soi đêl sư pơm boih tơ pơlei Bethel. Lăm năr mơjĭt-pơđăm khei tơhngam, khei mă sư rơih kơdih, sư pơjing minh năr phĕt ăn kơ lu bơngai Isơrael, na sư năm tŏk tơ chơnang soi wă soh tơmam 'bâu phu.

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 35:13

'Nâu Kră Yang Tih Hloh 'Bok Kei-Dei bơngai Isơrael khan: “Năm khan bĕ kơ bơngai Juđa păng kon pơlei Jêrusalem: Kră Yang khan: ‘Lu iĕm ưh kơ wă chu iŏk tơdrong Inh bơtho păng kư̆m kuă kơ mơ̆ng nơ̆r Inh mơ̆n hă?

Je 44:5

Mă-lei lu sư ưh kơ wă mơ̆ng păng kư̆m kuă kơ pơgling đon mơ̆n, ưh kơ wă weh đơ̆ng tơdrong kơnê̆ păng kư̆m oei soh nhang 'bâu phu ăn kơ yang nai.

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Hôsia 4:13

Lu sư pơm yang kơpal kông, păng soh 'long 'bâu phu tơ kơpal groi, tơ ala tơm 'long kôih, 'long hơngo, 'long têrebin yua kơ đei yơ̆p rơngơp dêh. Yua kơ thoi noh na lu kon adruh lu iĕm pơm pơyô kư̆ kă, păng mŏ mai iĕm tơtông pơyô hăm đe nai.

Hôsia 4:17

Lu bơngai Êphraim, pơgơ̆p hơdai rup yang, lê̆ măk ai sư.

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Sa 7:11

Mă-lei lu sư ưh kơ wă mơ̆ng, tơwih rŏng păng chĭt lê̆ đon kuă kơ mơ̆ng.

Luka 13:34

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 2:13

Thoi noh lu sư lê̆ Kră Yang drap kơkuh kơ yang Baal păng Astarôt.

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.