Hôsia 10:4 - Sơ̆p Hlabơar Nơ̆r 'Bok Kei-Dei

⁴ Lu sư chă pơma pơkă pơkăm hơlĕnh lăm nơ̆r pơgơ̆p, Thoi noh tơdrong lu sư. Jing thoi 'nhĕt kơnê̆ hơkăm chăt rok trong đêl choh lăm chŭn.

Hôsia 10:4 Iomraidhean Croise

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Am 5:7

Lu iĕm, tơplih tơdrong tơpăt na iŏk tơm 'long tăng păng klơ̆m lê̆ tơdrong 'lơ̆ng tơpăt tơ teh.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Jang 8:23

Đon ih kơnê̆ tơpă, ih oei hiong lăm tơdrong măng mu.”

Rom 1:31

Bơ̆n pơm tôm tơdrong kơnê̆ kư̆ kă, đon bơ̆n jing ưh kơ tơpăt nŏng kơ hơlĕnh kơ đe ling-lang, ưh kơ băt mơnat kơ bôl buăl tŏ sĕt.

Both 29:18

Athei kơchăng bĕ, 'nĕ kơ đei bu drŏ-nglo dah drŏ-kăn, hnam dơnŏ dah adrĕch adrung ayơ mă dơ̆ng tơ âu năr 'nâu achăng lê̆ Kră Yang 'Bok Kei-Dei lu bơ̆n, na năm kơkuh kơ lu yang adrĕch drung nai; lăm lu iĕm athei 'nĕ kơ ăn đei rơh kơnê̆ hơkăm chăt sôr tơ lăm lu iĕm.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

II Tim 3:3

Sư ưh kơ băt 'mêm mơnat kơ bôl buăl ôh. Bơ̆n bơngai nai ưh kơ băt wă pơma lung sư thoi yơ dơ̆ng, yua kơ sư pơma bơbĭt dêh. Sư chă tơdrong kơnê̆ păng đe. Sư bơngai hơwĕng, sư ưh kơ wă pơm tơdrong 'lơ̆ng ôh, sư areh kơ bơngai 'lơ̆ng.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.