Hôsia 10:2 - Sơ̆p Hlabơar Nơ̆r 'Bok Kei-Dei

² Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Hôsia 10:2 Iomraidhean Croise

I Pot 18:21

Đơ̆ng noh Êli năm dơ̆ng 'bơ̆t anăp lu kon pơlei pơla păng khan: Lu iĕm năm ting bơring kiơ̆ 'bar pah trong 'nâu dĭng dang yơ? Tơdah Kră Yang 'Bok Kei-Dei lei iĕm athei kiơ̆ Kră Yang, tơdah Baal jơ̆ Kră Yang 'Bok Kei-Dei lei iĕm athei kiơ̆ Sư. Mă-lei lu kon pơlei pơla ưh kơ đei tơl sư minh nơ̆r.

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Êsai 44:18

Lu bơngai noh ưh kơ băt păng ưh kơ tơchĕng lăng yua kơ măt lu sư tep na ưh kơ 'bôh, jơhngơ̆m đon lu sư kư̆m chĭt lê̆ na lu sư ưh kơ hlôh.

Je 43:13

Sư gô teh pơchah lê̆ jrăng gơ̆ng đe man kơkuh kơ yang măt 'năr tơ Bet Semes lăm char Êyiptơ; klaih kơ noh sư gô soh pơđĭ hnam lu rup yang lăm dêh char Êyiptơ.

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Hôsia 12:11

Gileat kơnê̆ tơpă, lu sư ưh kơ yua kiơ. Lu sư pơm yang hăm rơmo tơno tơ Gilgal. Chơnang soi lu sư gô jing pôi tơmo tơ lăm trong đêl choh lăm mir.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Hôsia 7:8

Khŭl lu bơngai Êphraim tơmơ̆t lu sư kơdih hăm khŭl bơngai nai, bơngai Êphraim kư̆m thoi 'bĕng mi đe 'buh tam mă plơ̆.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Mi 5:13

Inh gô toh hŭt lê̆ rup yang Aserim đơ̆ng lu iĕm. Đơ̆ng noh Inh gô pơrăm lê̆ đĭ dôm lu pơlei tih lu iĕm.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Luka 16:13

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă, lei iĕm ưh kơ 'mêm kơ dôm mŭk tơmam ala teh âu ôh.”

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

I Yo 2:15

Iĕm 'nĕ kơ 'mêm dôm tơdrong ala teh âu. Bơngai bu 'mêm kơ tơdrong ala teh âu, bơngai 'noh sư ưh kơ 'mêm kơ 'Bă bơ̆n 'Bok Kei-Dei ôh.

I Sam 5:4

Pơgê đơ̆ng rŏng Asdôt iung đơ̆ng hrôih, 'bôh yang Dagôn 'bĭch kơmŭ brum tơ teh 'bơ̆t anăp Hom Pơgơ̆p Kră Yang, kơ̆l păng 'bar pah ti kơtĕch kơdih phara pha. Klơ̆m lê̆ 'bơ̆t 'măng hnam, oei pă akâu sư đĕch oei 'bơ̆t kơtă ei.