Hôsia 10:10 - Sơ̆p Hlabơar Nơ̆r 'Bok Kei-Dei

¹⁰ Layơ Inh wă, Inh gô phak pơjĭ lu sư; păng lu dêh đe gô iung blah phak lu sư, yua kơ lu sư đei pơm yoch 'bar hơtăl.

Hôsia 10:10 Iomraidhean Croise

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

Jop 39:10

Ih hăm gơh tah rơmo bri tơ 'long rơuơ na choh mir ưh? Sư hăm chu kiơ̆ đơ̆ng rŏng ih na 'bơ tŭn tơ lăm thŭng?

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 16:16

Kră Yang khan: “'Nâu, Inh gô wơh lơ bơngai traih ka, wă kơ chă traih rôp lu sư, đơ̆ng noh Inh gô wơh lơ bơngai lua wă kơ chă lua lu sư đơ̆ng jơ̆p kơ kông groi dah lăm hơgơp tơmo.

Je 21:4

‘'Nâu nơ̆r Kră Yang 'Bok Kei-Dei lu bơngai Isơrael khan: Âu Inh gô tơwih plơ̆, dôm lu đao kơtuang iĕm oei chĕp lăm ti wă blah puh pơtao Babilôn păng bơngai Kalđê dang ei oei wang tăp tơ đaih kơ dur pơlei, Inh gô akŭm lu sư lăm tŏk-bŏk pơlei tih âu.

Êsêkiên 16:37

lei na Inh gô akŭm đĭ-đăng lu bơngai ih hưch ih wă, noh lu bơngai ih hưch hăm lu bơngai ih areh; Inh gô akŭm lu sư đơ̆ng jơ̆p kơ anih năm blah ih. Inh gô tơ'bôh ăn hang-hông ih 'bơ̆t anăp lu sư, lu sư gô 'bôh đĭ-đăng hang-hông ih.

Êsêkiên 16:42

Tơdrong hil Inh gô ngach, tơdrong Inh gar ih ưh pă đei boih, Inh gô oei hiôk ưh pă hil dơ̆ng.

Êsêkiên 23:46

'Nâu nơ̆r Kră Yang khan: Chông lơ bơngai năm pơm kơ lu sư bĕ, pơjao lu sư ăn kơ tơdrong hli păng đe plah tơgar iŏk.

Êsêkiên 23:9

Thoi noh Inh jao sư lăm ti lu bơngai sư hưch, noh lăm ti lu bơngai Asiri, lu bơngai mă sư hơyuh hưch dêh.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Hôsia 10:9

Ơ Isơrael, lu iĕm pơm yoch boih đơ̆ng năr iĕm pơm kơnê̆ tơ pơlei Gibêah! Lu iĕm oei pơm yoch ngăl, Hăm trŏ tơdrong tơblah tih hăm lu kon bơngai yoch kơnê̆ tơ pơlei Gibêah gô truh tơ iĕm?

Hôsia 4:19

Tơdrong thoi kial yua pơnăr sư gom lê̆ lu sư boih, lu sư gô mơlâu dêh kơ tơdrong lu sư pơm yang.

Hôsia 4:9

'Bok soi jing thoi yơ Kon pơlei pơla Inh kư̆m jing thoi noh, Inh gô phak pơbral lu sư, kiơ̆ thoi trong lu sư pơm, păng kư̆m tơwih pơdrâu kơ lu sư thoi tơdrong jang đêl lu sư pơm.

Hôsia 8:1

Dan bĕ tơgiĕp 'bơ̆t 'bơ̆r ih! Lu ayăt thoi sem grơ̆ năm blah bơngai Kră Yang, yua kơ kon pơlei pơm glăi boih kơ đêl nơ̆r pơgơ̆p, păng pơm yoch kơ tơdrong juăt Inh.

Hôsia 8:10

Mă khan lu sư tĕch boih lu sư kơdih kơ adrĕch adrung bơngai nai, mă-lei Inh oei akŭm lu sư; păng lu sư rai huach yua kơ đơ̆ng pơtao kơtang pơjuă pơđep lu sư.

Mathiơ 22:7

Thoi noh na 'bok pơtao ơh tơpă, sư wơh lu linh sư năm pơlôch đĭ-đăng lu bơngai mă pơlôch lu bơngai jang kơ sư ei păng soh rông chhông hnam kon pơlei pơla lu sư.

Both 28:63

Kŭm thoi Kră Yang đei hiôk pơm 'lơ̆ng păng ăn kơ iĕm rai lơ kơdrâ̆m thoi yơ, kư̆m thoi noh na Kră Yang kư̆m hiôk ăn kơ iĕm đei tơdrong gleh truh tơhiong pơrăm iĕm; Lu iĕm đe gô buch lê̆ puh tơlĕch đơ̆ng teh lăm dêh iĕm wă mơ̆t iŏk.