Hôsia 1:7 - Sơ̆p Hlabơar Nơ̆r 'Bok Kei-Dei

⁷ Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Hôsia 1:7 Iomraidhean Croise

II Pot 19:29

Ơ Hesekia, 'nâu minh tơdrong tơdra tơbăt kơ ih. Sơnăm 'nâu ih gô sa tơmam đơ̆ng găr adrĕch hơlŭng na rah kơdih, sơnăm mă 'bar, ih gô sa tơmam đơ̆ng găr chăt kơdih, mă-lei sơnăm mă pêng, lu iĕm gô rei păng kĕch yuă, pơtăm 'long hơmu păng sa plei sư.

II Pot 19:34

Yua kơ Inh hăm Đawit đĭch đam inh, na Inh gô dŏng pơklaih pơlei 'nâu.

II Pot 19:35

Lăm măng noh, đei minh 'nu linh jang 'lơ̆ng Kră Yang năm tơ anih kơđông Asiri păng pơlôch minh-hrĕng tơhngam-jĭt pơđăm-rơbâu 'nu bơngai tơ noh. Đe iung đơ̆ng hrôih, lăng 'bôh khŭl linh ei lôch glơch glach bơih.

II Pot 6:18

Linh đe Aram jur wă pơm kơ Êlisê na sư krao khan kơ Kră Yang thoi âu: “Apinh ih pơm kơ măt lu linh ayăt 'nâu bơbôl ưh kơ bang.” Thoi noh Kră Yang pơm hloi kơ măt lu linh ei bơbôl ưh kơ bang, kiơ̆ thoi nơ̆r Êlisê krao khan.

Horiso 33:16

Pơtao mă gơh klaih ưh kơ sĭ. Yua kơ Linh sư lơ. Bơngai mă pran kơtang kư̆m ưh kơ klaih hlôi đơ̆ng pran kơtang sư noh.

Horiso 44:7

Mă-lei Ih pơklaih lu nhôn boih đơ̆ng lu bơngai areh kơ nhôn, Pơm ăn kơ lu ayăt kơ nhôn mơlâu,

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Le 14:30

Lăm năr 'noh, Kră Yang pơklaih kon pơlei Isơrael đơ̆ng ti bơngai Êyiptơ; kon pơlei Isơrael 'bôh hnơ̆k hnăk bơngai Êyiptơ lôch cheng đak dơsĭ.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Je 25:5

Lu sư khan: ‘Rim 'nu kơ lu iĕm athei weh đơ̆ng tơdrong kơnê̆, achăng lê̆ bĕ tơdrong pơm yoch kơnê̆, na lu iĕm gô oei lăm teh đak Kră Yang ăn boih kơ lu iĕm păng lu 'bok yă iĕm sơ̆ khơ̆ ning-mônh hlŏng hloi.

Je 25:6

'Nĕ kơ kiơ̆ kơkuh păng jang kơ lu yang nai, 'nĕ iŏk tơmam iĕm chă pơm păng ti na tơblĕk Inh dơ̆ng, lei Inh huay kơ ăn tơdrong răm truh kơ iĕm.’

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Hôsia 1:8

Truh tơ Lôruhama pă mŏm boih, mĕ sư anăp tơpŭ dơ̆ng minh 'nu kon drŏ-nglo.

Hôsia 11:12

Lu bơngai Êphraim hơlĕnh kơ Inh lu kon pơlei Isơrael pơm plơ̆ plĕch. Mă-lei lu bơngai Juđa oei kiơ̆ Kră Yang 'Bok Kei-Dei, oei kiơ̆ Tơ'ngla 'lơ̆ng rơgoh tơpă sĭt.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.