Hôsia 1:6 - Sơ̆p Hlabơar Nơ̆r 'Bok Kei-Dei

⁶ Akăn sư anăp dơ̆ng na tơpŭ ăn kơ sư minh 'nu kon drŏ-kăn, na Kră Yang khan kơ Hôsia: “Ih krao anăn sư Lôruhama, yua kơ Inh ưh pă đei 'mêm mơnat dơ̆ng boih kơ adrĕch Isơrael, wă kơ Inh kư̆m ưh pă mơnat pơklaih tơdrong yoch kơnê̆ lu sư dơ̆ng.

Hôsia 1:6 Iomraidhean Croise

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Hôsia 1:8

Truh tơ Lôruhama pă mŏm boih, mĕ sư anăp tơpŭ dơ̆ng minh 'nu kon drŏ-nglo.

Hôsia 2:23

Inh gô rei pơtăm lu sư ăn kơ Inh lăm teh đak păng Inh gô 'mêm mơnat kơ lu bơngai âu mă Inh khan: “Lu sư bơngai mă Inh ưh kơ 'mêm mơnat.” Păng kơ lu bơngai mă Inh đei khan: Iĕm ưh kơ sĭ kon pơlei Inh. Inh gô khan: “Iĕm kon pơlei Inh.” Na lu sư gô tơl: “Ih boih Kră Yang 'Bok Kei-Dei nhôn.”

Hôsia 2:4

Inh kư̆m pă mơnat kơ lu kon sâu sư boih, yua kơ lu sư noh kon sâu đơ̆ng sư pơm pơyô kư̆ kă.

Am 7:8

Kră Yang khan kơ inh dơ̆ng: Ơ Amôs ih 'bôh kiơ? Inh khan: Minh dăng tơlei pơtŏ, na Kră Yang khan: 'Nâu Inh gô dăng tơlei pơtŏ hơgăt lăm kon pơlei Isơrael Inh. Inh ưh pă 'mêm kơ sư dơ̆ng.

Am 9:8

Sĭt măt Kră Yang oei răp lăng kơpal teh đak yoch âu păng inh gô pơrăm sư đơ̆ng kơpal teh âu, mă-lei inh ưh kơ pơlôch đĭ hnam Jakôp, Kră Yang khan thoi noh.

I Pet 2:10

Sơ̆ iĕm ưh kơ trŏ kơ kon Sư ôh, mă-lei dang ei đĭ-đăng kơ bơ̆n jing kon Sư ngăl boih. Sơ̆ 'Bok Kei-Dei kư̆m ưh tam mă tơ'bôh kơ iĕm tơdrong Sư mơnat, mă-lei dang ei iĕm 'bôh nhên boih.