Hơri Hiôk 5:1 - Sơ̆p Hlabơar Nơ̆r 'Bok Kei-Dei

¹ Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Hơri Hiôk 5:1 Iomraidhean Croise

Bl 37:25

Lu sư oei sŏng sa. Tơmang lăng 'bôh bơngai Ismaela đơ̆ng Gileat wă truh, kơpal rŏng aseh lăk-đa lu sư đei tơmam lơ dêh, pơgang 'bâu phu, jăr 'long 'bâu phu wă chĕp mơdro tơ char Êyiptơ.

Horiso 147:11

Mă-lei Kră Yang lăp đon kơ bu mă hli yom kơ Sư, păng lu bơngai mă chang hơmĕng kơ tơdrong Sư 'mêm.

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Tơdrông Pơđơk 24:13

Ơ dăm, sa bĕ đak sut, yua kơ sư 'ngam 'lơ̆ng. Kơ̆l sal sut jing 'ngam kơ hơlŏng ih.

Tơdrông Pơđơk 9:5

Hiăng bĕ, năm sa tơmam inh, Păng huch sik hơmu inh hrâu boih.

Bôk Bơthô 2:5

Pơjing pơm mir pơgar 'long sa plei;

Hơri Hiôk 1:13

Bơngai mă inh hơyuh nhen thoi minh hơchô̆ pơgang 'bâu phu dan sơlam toh inh,

Hơri Hiôk 4:16

Ơ kial đơ̆ng yă-nơ̆m tơthu bĕ, ơ kial đơ̆ng gah gơal pơbơh bĕ! Tơthu bĕ lăm pơgar inh; wă kơ 'bâu phu đơ̆ng sư păr đông jơ̆p-jang!

Hơri Hiôk 4:8

Ơ ŭnh om inh, yak hơdai bĕ ba đơ̆ng char Liban. Yak bĕ ba. Weh đơ̆ng kơpal kông Amana. Đơ̆ng wĕch kông Sanir păng kông Hermôn, Đơ̆ng hơgơp trôm dăm-brang, đơ̆ng kông lu djrang oei.

Hơri Hiôk 6:11

Ih jur lăng pơgar plei Hơmu. Wă lăng pơkao lăm thŭng, Wă kơ lăng lu tơm hơmu tam bluh tơmơ̆ng ưh. Tơm gărnăt tam pơkao ưh.

Hơri Hiôk 6:2

Bơngai mă inh hơyuh jur năm lăng pơgar sư boih. Pơgar pơkao 'bâu phu; Wă pơhiôk jơhngơ̆m sư lăm pơgar, Păng phĕ lu pơkao kok jơk;

Hơri Hiôk 8:1

Ô rŏ kơ ih jing 'nhŏng inh! Bơngai mă kư̆m mŏm toh mĕ inh! Tơdah inh tơ'bơ̆p ih tơ 'nguaih inh gô chŭm ih. Ưh kơ đei bu pơjăm.

Hơri Hiôk 8:13

Ơ bơngai mă oei lăm pơgar, buăl inh oei mơ̆ng nơ̆r ih pơma; Asong inh mơ̆ng nơ̆r ih!

Êsai 23:18

Mă-lei mŭk tơmam sư đei lơi yua noh gô klah 'măn kơ Kră Yang, sư ưh kơ đei mong dah tah 'măn ôn lê̆ ôh, yua kơ tơmam đei lơi noh gô yua lăm tơmam sa, ao hrŭk 'lơ̆ng kơ lu bơngai oei 'bơ̆t anăp Kră Yang.

Êsai 5:1

Inh gô hơri ăn kơ bơngai mă inh 'mêm, minh 'bai hơri gah pơgar hơmu sư, buăl mă inh 'mêm đei minh hlak pơgar hơmu tơ kơpal groi hơdrih 'lơ̆ng.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsai 65:13

Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Luka 12:4

“Ơ 'nhŏng oh, iĕm 'nĕ kơ hli kơ đe mă gơh pơlôch akâu iĕm đĕch.

Yo 3:29

Pơtih gia, lăp đe pơkong, drŏ-nglo mă iŏk akăn, sư boih hiôk chơt tơpă. Păng buăl mă pơm kơdranh drŏ-nglo 'noh sư kư̆m dơ̆ng jê̆ 'bơ̆t sư mơ̆n păng mơ̆ng sư pơma, buăl sư kư̆m chơt hiôk mơ̆n. Na inh kư̆m dang kơdranh bơngai mă iŏk akăn 'noh mơ̆n. Inh kơtơ̆ng Yêsu pơma, inh hiôk chơt tơpă.

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

Lu 14:11

Lăp kon pơlei pơla 'bôh Samsơn, đe krao hloi pêng-jĭt 'nu bơngai tơdăm wă kơ pơgơ̆p pơm buăl juăt hăm sư.

Lu 14:20

Akăn Samsơn rôp oei kơ minh 'nu tơdăm, bơngai mă đe rơih pơm buăl juăt hăm sư năr sư oei.