Hơri Hiôk 2:9 - Sơ̆p Hlabơar Nơ̆r 'Bok Kei-Dei

⁹ Bơngai mă inh hơyuh nhen thoi kơtŏng. Dah thoi juei dăm. To sư dơ̆ng tơ rŏng tơnăr hnam nhôn. Sư tơmang đơ̆ng 'măng-'mŏk, Sư gŏk lăng đơ̆ng 'măng hơdrao.

Hơri Hiôk 2:9 Iomraidhean Croise

II Sam 2:18

Tơ noh kư̆m đei pêng 'nu kon tơdăm Sêruia: Noh Jôap, Abisai păng Asahel, Asahel 'nâu sư kơdâu hơbĕch hơbal nhen thoi Keh.

Tơdrông Pơđơk 5:19

Thoi juei adruh kluh hưch kơ juei dăm. Toh sư pơhiôk ih ling-lang. Ih rai hưch wă kơ sư ling-lang măng năr.

Tơdrông Pơđơk 6:5

Pơklaih bĕ ih kơdih thoi kơtŏng klaih đơ̆ng ti lu bơngai lua. Thoi sem klaih đơ̆ng hơđong đe hơ'năk.

Tơdrông Pơđơk 7:6

Đơ̆ng 'măng-'mŏk Inh lăng păng tơmang 'bôh.

Hơri Hiôk 1:16

Ơ bơngai mă inh hơyuh ih tơdăm 'lơ̆ng hơbŏ; Lăp kơ jơhngơ̆m inh dêh! Anih tep ba dreng hơdrih 'lơ̆ng.

Hơri Hiôk 2:17

Dĭng 'brưch hơdah păng măng mu hiong đĭ. Ơ bơngai mă inh hơyuh, wih hơlơ̆k tơ âu bĕ, Thoi kơtŏng, Thoi juei dăm tơ kơpal kông groi. 'Blŏk kơ pơyô sư

Hơri Hiôk 2:7

Ơ lu adruh Jêrusalem inh apinh lu iĕm pơkă, Hăm anăn lu kơtŏng dah lu juei lăm bri. 'Nĕ kơ hơtŭt 'bơm păng 'nĕ kơ râu tơdrong hơyuh hơđơ̆r mưh tam mă trŏ kơ jơ.

Hơri Hiôk 3:5

Ơ lu adruh pơlei Jêrusalem, inh apinh lu iĕm pơkă. Hăm anăn lu kơtŏng dah lu juei lăm bri, 'Nĕ hơtŭt 'bơm păng 'nĕ râu tơdrong, Hơyuh hơdơ̆r. Mưh tam mă trŏ kơ jơ.

Hơri Hiôk 8:14

Adruh Jah brŏk tĕnh bĕ ơ bơngai inh hơyuh. Thoi minh pôm kơtŏng. Dah thoi minh pôm juei dăm tơ kơpal kông 'long 'bâu phu.

Luka 24:35

Na bre sư kư̆m roi ăn kơ lu bôl sư gah tơdrong Kră Yang Yêsu yak hơdai bre sư kơplah rok trong hei mơ̆n, na bre sư kơnăl kơ Yêsu kơplah Sư oei phĕ 'bĕng mi.

Yo 12:41

Êsai khan thoi noh kơlih kơ 'Bok Kei-Dei tơ'bôh kơ sư 'Bok Krist sơ̆, Sư 'lơ̆ng rŏ tơpă, na Êsai chih roi tơdrong 'Bok Krist.

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Yo 5:46

Dah iĕm lui kơ nơ̆r Môis tơpă, noh iĕm kư̆m wă lui kơ Inh mơ̆n, kơlih kơ sư chih roi tơdrong Inh.

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

Kôlôsê 2:17

Đe rok kiơ̆ dôm tơdrong giĕng noh sơ̆ yua kơ 'Bok Kei-Dei wă tơbăt ăn kơ bơ̆n 'Bok Krist gô jur tơ bơ̆n. Mă-lei dang ei 'Bok Krist đei jur boih, tơdrong giĕng noh ưh pă kăl dơ̆ng boih.

Hêbrơ 10:1

Tơdrong juăt 'Bok Kei-Dei pơkă sơ̆, wă pơtih gia kơ dôm tơdrong hiôk 'lơ̆ng wă truh đơ̆ng rŏng. Mă-lei tơdrong juăt noh sơ̆ ưh kơ lei-lăi thoi tơdrong mă wă truh noh ôh. Thoi noh na lu bơngai mă kiơ̆ tơdrong juăt so noh, lu sư oei gơnang kơ tơdrong soi sơmah ling-lang rim sơnăm oei hơnơ̆ng thoi đêl. Pơm thoi noh lu sư ưh kơ jing bơngai 'lơ̆ng hăm 'Bok Kei-Dei ôh.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”

Lu 5:28

Mĕ Sisêra ngôi 'bơ̆t 'măng-'mŏk chang lăng, yă ei lăng 'bơ̆t che đe pĕng 'măng-'mŏk ei ưh kơ 'bôh, na khan: Yua kơ kiơ gre aseh kon inh hiơ̆ kơ jah brŏk? Yua kơ kiơ ưh đei kơtơ̆ng re jơ̆ng gre aseh kon inh.