Hơri Hiôk 2:7 - Sơ̆p Hlabơar Nơ̆r 'Bok Kei-Dei

⁷ Ơ lu adruh Jêrusalem inh apinh lu iĕm pơkă, Hăm anăn lu kơtŏng dah lu juei lăm bri. 'Nĕ kơ hơtŭt 'bơm păng 'nĕ kơ râu tơdrong hơyuh hơđơ̆r mưh tam mă trŏ kơ jơ.

Hơri Hiôk 2:7 Iomraidhean Croise

Bl 49:21

Neptali thoi juei akăn tơlĕch đơ̆ng hơdrong, Pơma dôm yơ tă kơ nơ̆r rơngơp păng pơđơ̆k ngăl.

Horiso 18:33

Sư pơm kơ jơ̆ng inh hơbĕch thoi jơ̆ng juei akăn, Păng hơtŏk dan inh tơ anih kơjung.

Tơdrông Pơđơk 5:19

Thoi juei adruh kluh hưch kơ juei dăm. Toh sư pơhiôk ih ling-lang. Ih rai hưch wă kơ sư ling-lang măng năr.

Tơdrông Pơđơk 6:5

Pơklaih bĕ ih kơdih thoi kơtŏng klaih đơ̆ng ti lu bơngai lua. Thoi sem klaih đơ̆ng hơđong đe hơ'năk.

Hơri Hiôk 1:5

Lu adruh 'nao iung hưch kơ ih trŏ bơih Ơ lu đe adruh pơlei Jêrusalem, Inh jơmăng ră, mă-lei 'lơ̆ng hơbŏ, Thoi lu hnam khăn Kêđar, Thoi che pĕng anih Sôlômôn.

Hơri Hiôk 2:17

Dĭng 'brưch hơdah păng măng mu hiong đĭ. Ơ bơngai mă inh hơyuh, wih hơlơ̆k tơ âu bĕ, Thoi kơtŏng, Thoi juei dăm tơ kơpal kông groi. 'Blŏk kơ pơyô sư

Hơri Hiôk 2:9

Bơngai mă inh hơyuh nhen thoi kơtŏng. Dah thoi juei dăm. To sư dơ̆ng tơ rŏng tơnăr hnam nhôn. Sư tơmang đơ̆ng 'măng-'mŏk, Sư gŏk lăng đơ̆ng 'măng hơdrao.

Hơri Hiôk 3:5

Ơ lu adruh pơlei Jêrusalem, inh apinh lu iĕm pơkă. Hăm anăn lu kơtŏng dah lu juei lăm bri, 'Nĕ hơtŭt 'bơm păng 'nĕ râu tơdrong, Hơyuh hơdơ̆r. Mưh tam mă trŏ kơ jơ.

Hơri Hiôk 5:16

Nơ̆r pơma sư hơbôn dêh, Đe lăng sư rŏ kơ hưch tơpă, Noh boih pơyô inh păng buăl inh, Ơ lu adruh pơlei Jêrusalem. Buăl sư

Hơri Hiôk 8:14

Adruh Jah brŏk tĕnh bĕ ơ bơngai inh hơyuh. Thoi minh pôm kơtŏng. Dah thoi minh pôm juei dăm tơ kơpal kông 'long 'bâu phu.

Hơri Hiôk 8:4

Ơ lu adruh pơlei Jêrusalem, inh pơkă kơ iĕm, 'nĕ kơ hơtŭt 'bơm, păng 'nĕ râu tơdrong hơyuh hơđơ̆r, mưh tam mă trŏ kơ jơ.

Habakuk 3:19

Kră Yang jơ̆ Kră Yang tơdrong pran kơtang inh, Sư pơm ăn kơ jơ̆ng inh yak kơjăp thoi jơ̆ng juei; Sư chông ba inh yak năm lăm kơpal kông groi.

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”