Hơri Hiôk 2:5 - Sơ̆p Hlabơar Nơ̆r 'Bok Kei-Dei

⁵ Iŏk bĕ plei hơmu kro na pơlung jơhngơ̆m inh; Iŏk bĕ plei hơra mi tơgŭm wă kơ inh pran; Yua kơ inh đei jĭ đơ̆ng tơdrong hơyuh.

Hơri Hiôk 2:5 Iomraidhean Croise

II Sam 6:19

Sư asong kơ đĭ-đăng kon pơlei Isơrael, lu tơpôl lăm Isơrael mă drŏ-nglo dah drŏ-kăn, minh 'nu minh pôm 'bĕng mi minh kơnăt 'nhĕm phang, hăm minh tơpei 'bĕng hơmu kro, đơ̆ng noh, đĭ-đăng lu sư brŏk tơ hnam sư kơdih.

I Ho 16:3

Na asong ăn kơ đĭ-đăng kon pơlei Isơrael drŏ-nglo drŏ-kăn rim 'nu minh pôm 'bĕng mi, minh kơnăt 'nhĕm, păng minh pôm 'bĕng plei hơmu kro.

Horiso 63:8

Bơhngol inh oei kơjăp lăm Ih, ti 'ma Ih tơgŭm tơiung inh.

Hơri Hiôk 5:8

Ơ lu adruh Jêrusalem, inh pơkă kơ lu iĕm, Tơdah iĕm tơ'bơ̆p pơyô inh, roi ăn kơ sư. Inh jĭ jơhngơ̆m yua kơ hơyuh kơ sư.

Hơri Hiôk 7:8

Inh khan kơ inh gô hao tơm 'long gao noh. Păng rôp kơjăp lu hơie sư. Ơ, hơpơi wă dêh kơ 'bar pah toh ih thoi hơie hơmu, Păng 'bâu phu đơ̆ng ih dui jơhngơ̆m thoi 'bâu phu hơra mi.

Hôsia 3:1

Kră Yang khan kơ inh: “Năm 'mêm bĕ kơ akăn ih mă drŏ-kăn pơm đi, đei pơm pơyô boih; 'mêm kơ sư thoi Kră Yang oei 'mêm kơ kon pơlei Isơrael, mă khan lu sư kiơ̆ yang nai păng 'maih sa 'bĕng plei hơmu 'ngam.”

Luka 24:32

Bre sư pơma dih băl khan: “Sư tơblang kơ ba tơdrong lăm sơ̆p hla bơar 'Bok Kei-Dei kơplah bơ̆n oei yak hơdai rok trong hei ba mah đơđŭk hiôk jơhngơ̆m hloi iih?”

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.