Hơri Hiôk 1:8 - Sơ̆p Hlabơar Nơ̆r 'Bok Kei-Dei

⁸ Ơ bơngai 'lơ̆ng hloh kơ đĭ-đăng lăm đe adruh, Tơdah ih ưh kơ băt ih athei 'moi bĕ đêl jơ̆ng triu, Păng wei kon bơbe ih 'bơ̆t cheng anih đe wei triu.

Hơri Hiôk 1:8 Iomraidhean Croise

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Horiso 45:11

Na pơtao gô hưch wă kơ 'lơ̆ng guăng ih. Yua kơ sư jơ̆ yŏng kơdră ih, Chu yom bĕ kơ sư.

Horiso 45:13

Kon pơtao lăm anihi pơtao gô ư-ang. Ao tai sư tanh pơgong păng maih,

Tơdrông Pơđơk 8:34

Pŭn hiôk dêh bơngai bu mơ̆ng kiơ̆ nơ̆r Inh; Oei lăng măng năr 'bơ̆t 'măng jang Inh, gô răp 'bơ̆t 'măng hnam Inh.

Hơri Hiôk 1:15

Bơngai mă inh hưch ih 'lơ̆ng hơiă dêh, ih 'lơ̆ng tơpă! Măt ih nhen măt sem kơtơp.

Hơri Hiôk 2:10

Pơyô inh pơma păng khan kơ inh!

Hơri Hiôk 4:1

Ơ bơngai mă inh hơyuh. Ih 'lơ̆ng hơbŏ, ih rŏ liĕm ngei ngei! Muh măt ih gom hăm che. Lăng măt ih nhen măt sem kơtơp. Sŏk ih nhen thoi bơbe kơdâu jur Tơ cheng kông Gileat.

Hơri Hiôk 4:10

Ơ mŏ adruh inh, ŭnh om inh! Tơdrong hơyuh ih 'lơ̆ng 'ngam hloh kơ sik hơmu. 'Bâu phu đak pơgang đơ̆ng ih 'bâu 'lơ̆ng hloh kơ lu tơmam 'bâu phu nai!

Hơri Hiôk 4:7

Ơ bơngai mă inh hơyuh, ih 'lơ̆ng hơiă tôm tĕch. Akâu ih ưh kơ đei 'bơ̆t ayơ mă kơnê̆.

Hơri Hiôk 5:9

Pơyô ih 'lơ̆ng hloh kơ pơyô đe nai hă? Ơ bơngai 'lơ̆ng guăng hloh lăm lu adruh? Pơyô ih đei kiơ 'lơ̆ng kơ pơyô đe nai? Na ih mah pơkă kơ nhôn thoi noh?

Hơri Hiôk 6:1

Pơyô ih năm tơ yơ? Ơ bơngai 'lơ̆ng guăng hloh kơ lu adruh nai? Pơyô ih weh trong ayơ, Wă kơ nhôn kư̆m wang chă sư hơdai ih?

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Yo 21:15

Lu sư achăng sa boih na Yêsu jet Simôn Pêtrôs thoi âu: “Ơ Simôn kon Yôhan, ih hăm 'mêm kơ Inh hloh kơ lu buăl ih âu 'mêm kơ Inh?” Pêtrôs drơ̆ng: “Ơ Kră Yang, Ih băt mơ̆n inh 'mêm kơ Ih.” Yêsu khan kơ sư: “Lei ih rong kon triu Inh.”

I Kor 11:1

Na iĕm pơm kiơ̆ inh, thoi inh pơm kiơ̆ Yêsu Krist.

Êphêsô 5:27

Sư pơm thoi noh wă kơ bơ̆n jing bơngai 'lơ̆ng tơpăt gơh oei hơdai hăm Sư. Bơ̆n thoi bơngai pơm akăn mă 'mêm kơ klo sư, na sư hrŭk hơbĕn ao rơgoh 'lơ̆ng ling-lang wă kơ klo sư lăp đon.

Hêbrơ 13:7

Iĕm athei lăng tơdrong arih bơngai mă bơtho iĕm tơdrong 'Bok Kei-Dei sơ̆, tơdrong arih sư thoi yơ, sư lôch thoi yơ, iĕm athei rok kiơ̆ tơdrong lui sư noh.

Hêbrơ 6:12

Nhôn ưh kơ wă kơ iĕm alah ôh; nhôn wă kơ iĕm adrin lui kiơ̆ mă trŏ thoi lu đe kră sơ̆, lu sư lui khŏm khŏm tơpă, na 'Bok Kei-Dei ăn tơpă tôm tơdrong mă Sư đêl pơkă.

Ya 2:21

Sơ̆ 'bok kơdră bơ̆n Abraham chu 'Bok Kei-Dei athei sư 'măn kon sư Isăk kơpal chơnang soi, wă soi kơ 'Bok Kei-Dei tơpă. Mă 'Bok Kei-Dei khă dơ̆ng na ưh kơ yĕng. Na 'Bok Kei-Dei 'bôh tơpă tơdrong lui sư pơm kiơ̆. Iĕm băt thoi noh boih, noh 'Bok Kei-Dei jô̆ sư bơngai 'lơ̆ng yua kơ sư lui đĕch, dah yua kơ sư pơm kiơ̆ kơ nơ̆r 'Bok Kei-Dei akhan?

Ya 2:25

Na tơdrong yă Rahap sơ̆ kư̆m lei-lăi, sư bơngai đi mă-lei đơ̆ng rŏng 'Bok Kei-Dei kư̆m jô̆ sư bơngai 'lơ̆ng, yua kơ sư kiơ̆ tơdrong lui, sư sơng iŏk lu bơngai Isơrael đơ̆ng Jôsuê wơh năm dăr kơleng teh đak sư păng bơtho tơ'bôh kơ lu sư brŏk trong nai wă kơ lu buăl sư huay kơ rôp lu bơngai noh.

Ya 5:10

Ơ 'nhŏng oh, bơ̆n athei adrin pơm kiơ̆ thoi lu bơngai pơtruh nơ̆r 'Bok Kei-Dei sơ̆ bĕ; yua kơ sơ̆ đe pơm kơ lu sư lơ tơdrong pơmat-tat, mă-lei lu sư ưh kơ achăng lê̆ tơdrong lui ôh.

I Pet 3:6

Yă Sara sơ̆ kư̆m thoi noh, sư chu yom kơ klo sư Abraham păng anăn Abraham yŏng tơ'ngla sư. Dah iĕm pơm 'lơ̆ng thoi sư, iĕm huay kơ hli kơ đe jô̆ kơ iĕm bơngai kơnê̆ ôh păng iĕm kư̆m dang kon sâu yă Sara mơ̆n.