Hơri Hiôk 1:5 - Sơ̆p Hlabơar Nơ̆r 'Bok Kei-Dei

⁵ Lu adruh 'nao iung hưch kơ ih trŏ bơih Ơ lu đe adruh pơlei Jêrusalem, Inh jơmăng ră, mă-lei 'lơ̆ng hơbŏ, Thoi lu hnam khăn Kêđar, Thoi che pĕng anih Sôlômôn.

Hơri Hiôk 1:5 Iomraidhean Croise

Horiso 120:5

Răm-'băm dêh kơ inh oei lăm Mêsĕk. Păng oei tơ lăm kơđông Kêđa.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 45:9

Lăm lu drŏ-kăn mă pơtao gĭt noh đei lu bia, Akăn pơtao oei gah 'ma kơ Ih, Pơguăng păng maih Ôphir.f

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

Hơri Hiôk 2:7

Ơ lu adruh Jêrusalem inh apinh lu iĕm pơkă, Hăm anăn lu kơtŏng dah lu juei lăm bri. 'Nĕ kơ hơtŭt 'bơm păng 'nĕ kơ râu tơdrong hơyuh hơđơ̆r mưh tam mă trŏ kơ jơ.

Hơri Hiôk 3:10

Sư pơm jơ̆ng tang-dŏ noh hăm hu, Anih gơning rŏng păng maih, Anih hơ-oei gom păng che gôh găm. Tŏk-bŏk lăm noh sư lơ̆k hăm che đơ̆ng lu adruh Jêrusalem tanh hăm jơhngơ̆m hơyuh.

Hơri Hiôk 3:5

Ơ lu adruh pơlei Jêrusalem, inh apinh lu iĕm pơkă. Hăm anăn lu kơtŏng dah lu juei lăm bri, 'Nĕ hơtŭt 'bơm păng 'nĕ râu tơdrong, Hơyuh hơdơ̆r. Mưh tam mă trŏ kơ jơ.

Hơri Hiôk 4:3

Hơkŭng ih 'breo thoi brai thêt, 'Bơ̆r ih rơ'buch hơiă. Meng ih gom păng che dơ'bŭm Nhen plei gărnăt.

Hơri Hiôk 5:16

Nơ̆r pơma sư hơbôn dêh, Đe lăng sư rŏ kơ hưch tơpă, Noh boih pơyô inh păng buăl inh, Ơ lu adruh pơlei Jêrusalem. Buăl sư

Hơri Hiôk 5:8

Ơ lu adruh Jêrusalem, inh pơkă kơ lu iĕm, Tơdah iĕm tơ'bơ̆p pơyô inh, roi ăn kơ sư. Inh jĭ jơhngơ̆m yua kơ hơyuh kơ sư.

Hơri Hiôk 6:4

Ơ bơngai mă inh hơyuh, ih guăng thoi pơlei Tirsa, đei ai hơbŏ thoi pơlei Jêrusalem, Ih pơm ăn kơ đe hyưp kơ măt thoi 'bôh linh yơ̆r hla-kơ.

Hơri Hiôk 8:4

Ơ lu adruh pơlei Jêrusalem, inh pơkă kơ iĕm, 'nĕ kơ hơtŭt 'bơm, păng 'nĕ râu tơdrong hơyuh hơđơ̆r, mưh tam mă trŏ kơ jơ.

Êsai 21:16

Kră Yang khan kơ inh thoi âu: “Lăm minh sơnăm dơ̆ng, jô̆ thoi sơnăm đe jang apah, dôm tơdrong ư-ang dêh char Kêdar gô hiong.

Êsai 53:2

Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Êsai 60:7

Khŭl sem dơrong đơ̆ng dêh char kêdar gô akŭm tơ ih lu triu tơno dêh char Nêbaôt gô yua pơm tơmam soi pơyơ̆r, Inh gô iŏk tơdrong đe pơyơ̆r lu sư tơ kơpal chơnang soi Inh. Na Inh gô pơm kơ hnam ư-ang Inh rai ư-ang hloh.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsêkiên 16:14

Đơ̆ng tơdrong 'lơ̆ng hơbŏ ih jing ư-ang jơ̆p kơ lu dêh char, yua kơ tơdrong 'lơ̆ng rŏ hơbŏ liĕm, mă Inh 'măn kơ ih, Kră Yang Tih Hloh khan thoi noh.

Êsêkiên 27:21

Lu bơngai Arap păng lu yŏng tih tơring Kêđa mơdro hăm ih păng tĕch mơdro kơ ih triu kon, triu tơno păng bơbe bram.

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Mathiơ 22:11

“'Bok pơtao mơ̆t chă lăng lu bơngai sŏng sa, sư 'bôh minh 'nu bơngai ưh kơ hrŭk tơplih hơbĕn ao 'nao.

Luka 13:34

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

Rom 13:14

Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 4:26

Mă-lei kư̆m đei minh pôm Pơlei Jêrusalem nai tơ kơpal plĕnh ti đĕch gơh rơngei. Lu bơngai mă gô oei tơ noh gơh rơngei, yua kơ lu sư lui kơ Yêsu Krist. Pơlei noh wă pơtih gia kơ yă Sara mĕ bơ̆n.

Êphêsô 5:26

wă kơ bơ̆n rơgoh đĭ kơ dôm tơdrong yoch, na pơyơ̆r bơ̆n ăn kơ 'Bok Kei-Dei wei-lăng, yua kơ bơ̆n lui kơ nơ̆r Sư bơtho, truh kơ bơ̆n iŏk 'batem tơmôch akâu bơ̆n tơ lăm đak, dang wă khan tơhoch tŭk tơdrong mơgrĭ boih iŏk tơdrong rơgoh.

I Yo 3:1

'Bă bơ̆n 'Bok Kei-Dei 'mêm mơnat kơ bơ̆n tơpă na Sư mah krao bơ̆n kon Sư. Bơ̆n jing kon Sư tơpă. Na kon bơngai ala teh âu ưh kơ băt kơ bơ̆n bơngai thoi yơ ôh kơlih kơ sư ưh kơ băt kơ 'Bă bơ̆n 'Bok Kei-Dei.