Horiso 97:3 - Sơ̆p Hlabơar Nơ̆r 'Bok Kei-Dei

³ Ŭnh năm adrol tơ anăp Sư soh pơrăm lê̆ lu ayăt tăp dăr kơ sư.

Horiso 97:3 Iomraidhean Croise

Horiso 18:8

Đei 'nhui lĕch đơ̆ng trôm muh Sư, Pla ŭnh khơ̆ng lĕch đơ̆ng 'bơ̆r Sư, soh sa ngar ngŭr.

Horiso 18:9

Sư rĭ plĕnh, đơ̆ng noh jur;c Ala kơ jơ̆ng sư đei măng gueo.

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Êsêkiên 1:4

Inh lăng 'bôh kial hơbŭt lĕch đơ̆ng gah yă-nơ̆m, đei hơmơ̆l tih dêh đei ŭnh hơdah jum dăr, păng tŏk-bŏk sư, inh 'bôh nhen thoi đei bơsei rang hơdah lăm ŭnh.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Habakuk 3:5

Tơdrong jĭ hơbuh răm năm adrol kơ Sư, 'Brơ̆m ŭnh lĕch đơ̆ng jơ̆ng Sư.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Both 4:11

Thoi noh lu iĕm năm jê̆ păng dơ̆ng 'bơ̆t jơ̆ng kông, 'bơ̆t kông ŭnh oei sa dơhlông truh tơ plĕnh, đei hơmơ̆l măng mu găm suek gom.

Both 4:36

Đơ̆ng kơpal plĕnh Sư ăn kơ iĕm kơtơ̆ng nơ̆r Sư, wă bơtho pơhrăm iĕm, tơ kơpal teh Sư ăn kơ iĕm 'bôh ŭnh tih Sư păng đơ̆ng lăm ŭnh lu iĕm đei kơtơ̆ng nơ̆r Sư pơma.

Both 5:4

Kră Yang pơma boih hăm lu iĕm tơ kơpal kông đơ̆ng lăm ŭnh.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Tơdrông Tơ'bôh 11:5

Tơ̆ng bơngai bu wă pơrăm bre sư, bre sư tơlĕch ŭnh đơ̆ng 'bơ̆r bre sư, na ŭnh noh sa hloi bơngai mă wă pơrăm bre sư noh. Thoi noh tơ̆ng bu wă pơrăm bre sư, bơngai noh sư 'maih chă tơdrong lôch.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.