Horiso 92:12 - Sơ̆p Hlabơar Nơ̆r 'Bok Kei-Dei

¹² Bơngai tơpăt gô bluh thoi 'long gol păng gô rai kơjung thoi 'long hơngo tơ char Liban.

Horiso 92:12 Iomraidhean Croise

I Pot 4:33

Sư pơma roi tôm lu tơnơm 'long đơ̆ng 'long hơngo tơ Liban truh tơ lu hla 'nhĕt bơmur chăt 'bơ̆t tơnăr, sư kư̆m đei pơma 'bơm trŏ gah sem brem lu sem păr 'bih kơep lep-ler păng lu ka lăm đak.

I Pot 6:29

Tơ tơnăr tăp dăr kơ Hnam akŭm lăm Anih Rơgoh păng Anih Rơgoh Hloh sư chhơ̆ lu rup chêrubim, 'long gol, păng pơkao 'nao tơlang.

Esther 9:5

Thoi noh lu bơngai Juđa yua đao gưm koh pơlôch đĭ-đăng lu bơngai ayăt kơ lu sư, bơngai bu hil areh kơ lu sư, lu sư pơm kơ đe noh mơ̆ng kiơ̆ kơ lu sư wă.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 104:16

Lu tơm 'long Kră Yang đei ruh hơiuh đĭ-đăng 'long hơngo char Liban đêl Sư pơtăm.

Horiso 148:9

Ơ lu kông păng đĭ kơ groi, lu 'long plei păng lu 'long hơngo.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Horiso 52:8

Gah inh thoi 'long ôliwơ hơdrih 'lơ̆ng lăm Hnam Kră Yang 'Bok Kei-Dei. Inh lui gơnang kơ tơdrong 'mêm Kră Yang 'Bok Kei-Dei ling-lang hlŏng hloi.

Horiso 72:7

Lăm kơplah pơtao oei pơgơ̆r ăn kơ bơngai tơpăt hiôk jơnap. Ăn tơdrong rơnŭk rơnua dĭng măt khei pă đei.

Horiso 92:7

Mă khan lu bơngai pơm kơnê̆ chăt hrôh thoi 'nhĕt, Lu bơngai pơm kơnê̆ iung mơdrŏng, noh 'măn lê̆ kơ lu sư wă hiong răm ling-lang hlŏng hloi.

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Êsai 65:22

Lu sư ưh kơ đei man hnam ăn kơ lu bơngai nai oei thoi sơ̆; ưh kơ đei pơtăm hơmu ăn kơ bơngai nai sa thoi sơ̆; sơnăm kon pơlei Inh arih gô nhen thoi dôm sơnăm 'long arih, lu bơngai mă Inh rơih iŏk gô đei yua đơ̆ng tơdrong jang lu sư kơdih.

Je 17:8

Bơngai noh nhen thoi tơm 'long pơtăm cheng đak, Chăt rơh cheng đak krong, mă khan tŏ phang ưh kơ hli, hla ưh kơ đei jô kro oei arih 'lơ̆ng. Mă tơ'bơ̆p hĭ bơyan tŏ phang kư̆m huay kơ tơtăm, oei plei hơnơ̆ng ưh kơ pơdơh.”

Am 2:9

Mă-lei ră, inh pơrăm boih bơngai Amôrit 'bơ̆t anăp lu sư, khŭl bơngai mă tih kơjung dang 'long Sêđar păng pran thoi tơm 'long kôih. Inh pơrăm boih lu plei sư kơpal păng rơh lu sư tơ ala sŭng.

Mi 7:10

Lu ayăt kơ inh gô 'bôh tơdrong na lu sư gô mơlâu, sư noh bơngai mă khan kơ inh thoi âu: Tơ yơ Kră Yang 'Bok Kei-Dei ih? Inh gô hiôk măt 'bôh tơdrong truh kơ sư, na 'nâu lu sư đe gô pơjuă bơhlơ̆r thoi teh rơpŭk rok trong.

Jo 24:6

Thoi thŭng đe tơraih rai să, thoi pơgar 'nhot cheng đak glung, thoi 'long 'bâu phu mă đêl Kră Yang pơtăm 'long hơngo chăt cheng đak glung.