Horiso 9:8 - Sơ̆p Hlabơar Nơ̆r 'Bok Kei-Dei

⁸ Sư gô sek tơlang kơ teh đak hăm tơdrong tơpăt, Sư pơgơ̆r tơpăt na sek tơlang kon bơngai hăm tơdrong trŏ.

Horiso 9:8 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Horiso 10:16

Kră Yang boih Pơtao ling-lang hlŏng hloi; Lu teh đak gô pơrăm đĭ đơ̆ng dêh char sư.

Horiso 29:10

Kră Yang oei tơ kơpal đak lơ̆p, Kră Yang pơm pơtao ling-lang ưh kơ layơ tôch

Horiso 50:6

Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

Horiso 94:15

Tơdrong sek tơlang tơpăt gô wih tơ lu bơngai 'lơ̆ng tơpăt Păng noh bơngai đei jơhngơ̆m 'lơ̆ng tơpăt gô rok kiơ̆.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Le 15:18

Kră Yang gô pơgơ̆r ling-lang, hlŏng hloi.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Rom 2:16

Yua kơ thoi noh na mưh truh năr 'Bok Kei-Dei sek tơlang ning-mônh, Sư gô pơjao kơ Kon Sư Yêsu Krist sek tơlang kơ đĭ dôm tơdrong kon bơngai wă ôn. Inh khan kơ iĕm thoi noh yua kơ 'blep trŏ thoi tơdrong 'nao 'lơ̆ng 'Bok Kei-Dei wă kơ inh bơtho.