Horiso 86:4 - Sơ̆p Hlabơar Nơ̆r 'Bok Kei-Dei

⁴ Apinh ăn bĕ kơ bơhngol lu đĭch đam Ih chơt hiôk. Yua kơ, ơ Kră Yang, bơhngol inh gơnang hơmĕng kơ Ih.

Horiso 86:4 Iomraidhean Croise

Horiso 143:8

Pơgê hrôih, apinh Ih ăn kơ inh kơtơ̆ng nơ̆r Ih 'mêm mơnat. Yua kơ inh gơnang kơ Ih. Apinh Ih bơtho ăn kơ inh trong wă yak kiơ̆. Yua kơ inh hơtŏk bơhngol inh tơ Ih.

Horiso 25:1

Ơ Kră Yang, inh pơjao bơhngol inh kơ Ih.

Horiso 51:12

Apinh Ih ăn kơ inh tơdrong chơt hiôk kơ tơdrong dŏng pơklaih đơ̆ng Ih. Ăn kơ inh đei jơhngơ̆m 'maih kiơ̆ păng tơgŭm hloi inh đei kơjăp inh oei kơjăp.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsai 65:18

Mă-lei athei 'nă hal păng chơt hiôk ling-lang khŏm khŏm lăm tôm tơdrong kiơ Inh đei pơjing. Tơpă Inh đei pơjing pơlei Jêrusalem thoi tơm tơdrong hiôk chơt păng pơjing kon pơlei lăm pơlei noh thoi minh tơdrong hiôk chơt.