Horiso 8:2 - Sơ̆p Hlabơar Nơ̆r 'Bok Kei-Dei

² Đơ̆ng 'bơ̆r lu hơ'lơ̆p iĕ lu oei mŏm, Ih pơjing pơlei kơjăp, yua kơ lu ayăt. Wă pơm kơ lu bơngai ayăt păng lu iung kơting jing hreh.

Horiso 8:2 Iomraidhean Croise

Horiso 148:13

Ăn kơ lu sư hơri ư-ang kơ anăn Kră Yang. Yua kơ lăp minh anăn Sư đĕch mă trŏ kơ pơyom. Tơdrong ư-ang Sư kơjung hloh kơ đĭ-đăng teh đak păng plĕnh.

Horiso 4:4

Oei bĕ lăm tơdrong hli yom, 'nĕ pă pơm yoch; Tơchĕng bĕ lăm jơhngơ̆m, kơplah ih oei 'bĭch kơpal giơng păng ngăn bĕ. Sêla

Horiso 44:16

Păng hiĕk ăr kơ lu nhôn Păng đei lu bơngai ayăt, lu bơngai wă pơm 'mong.

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 57:6

Lu sư dăng hơnhuăl kơ jơ̆ng inh. Bơhngol inh rơdu rơmơ̆n. Lu sư sir sơlŭng 'bơ̆t anăp inh. Mă-lei lu sư huŏng kơdih tơ lăm noh. Sêla

Le 11:7

Mă-lei, lăm đĭ-đăng kon pơlei Isơrael hiôk-hian mă đơ̆ng kon kŏ kư̆m gô ưh kơ kuăl, mă kon bơngai, mă sem dơrong; wă kơ lu iĕm băt kơ Kră Yang ăn kơ kon pơlei Isơrael hăm bơngai Êyiptơ phara.

Le 15:16

Tơdrong hli tơrơ dêh truh tơ lu sư; Ơ Kră Yang! Kơkŏng ti pran kơtang Ih. Lu sư jing kơmlo nhen thoi tơmo, Tơ̆p mă truh layơ kon pơlei Ih yak hlôi; Tơ̆p mă truh kon pơlei mă Ih huai iŏk boih yak hlôi đĭ.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Am 5:9

Noh boih Kră Yang Tơ'ngla mă pơm kơ lu bơngai pran kơtang 'bôh 'băi lôch răm hloi, tơdrong pơrăm dĭng mah truh tơ lăm kơđông.

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 21:16

Na lu sư năm khan kơ Yêsu: “Ih hăm kơtơ̆ng lu đe hơ'lơ̆p pơma ei?” Yêsu khan: “Kơtơ̆ng. Bĭ iĕm tam mă đŏk lăng ôh hă đe chih roi tơdrong 'Bok Kei-Dei thoi âu: Ơ Kră Yang, Ih ăn kơ lu hơ'lơ̆p păng lu bơngai nge băt pơma bơnê ư-ang kơ Ih?”

Luka 10:21

Kơplah noh Yang Bơhngol 'Lơ̆ng ăn kơ Yêsu hiôk na Sư krao khan: “Ơ 'Bă, Ih boih Kră Yang plĕnh teh. Inh bơnê kơ Ih yua kơ dôm tơdrong Inh bơtho, Ih tơbăt kơ lu bơngai âu mă băt gơnang kơ Ih thoi lu hơ'lơ̆p băt gơnang kơ mĕ 'bă păng Ih ưh kơ tơhlôh kơ lu bơngai mă gơnang kơ akâu sư kơdih hŏk hơgei. Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

I Kor 1:27

Mă-lei 'Bok Kei-Dei rơih iŏk boih lu bơngai ưh kơ hơgei ala teh âu wă pơm kơ lu bơngai hơgei mơlâu; 'Bok Kei-Dei kư̆m rơih iŏk boih lu bơngai tơrăn ala teh âu wă pơm kơ lu bơngai pran kơtang mơlâu;

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.