9 Bơngai Êphraim chĕp hră păng 'brơ̆m, mă-lei kơdŭn tơ rŏng lăm năr tơblah,
Lu sư tă hơgei prah hră ngăl, gơh yua tơlei hơwơ̆t tơmo, chĕp hră prah 'brơ̆m ti gah 'ma thoi gah 'ngiĕo; đĭ-đăng lu sư adrĕch adrung Sôl, bơngai Bênjamin.
Lu sư plơ̆ pơm kơnê̆ thoi 'bok yă lu sư sơ̆. Lu sư weh thoi 'brơ̆m hră đŏng.
Pêtrôs khan kơ Sư: “Ơ 'Bok, mă đe tah inh lăm hnam phak hơdai păng Ih, dah pơlôch inh hơdai păng Ih, mă-lei inh kư̆m ưh kơ wă sơngah kơ Ih ôh.”
Na lu linh Isơrael mă kơdâu lu sư gô wih tơ rŏng tơblah. Mă gah lu bơngai Bênjamin 'bơ̆t lu sư blah păng pơlôch dang pêng-jĭt 'nu lu bơngai Isơrael lu sư khan: Tơpă lu sư gô kơdâu kơ lu bơ̆n thoi adrol ki.
Gaal kon drŏ-nglo Êbêt khan: Abimêlek sư bu? Sichem bơ̆n yă kiơ na lu bơ̆n bơwih bơwăn kơ sư? Hăm trŏ kơ sư kon drŏ-nglo Jêrup Baal? Sêbul hăm trŏ kơ bơngai kơiĕng sư ưh? Athei bơwih bơwăn kơ bơngai Hamôr, sư 'bă kơ bơngai Sichem; na liơ bơ̆n bơwih bơwăn kơ lu Abimêlek hai?
Kon pơlei bơngai Philistin tơblah hăm lu bơngai Isơrael; bơngai Isơrael kơdâu thuơ ôn achăng pră lê̆ lu bơngai lôch tơ kông Gilbôa.
Kon pơlei Philistin năm tơblah, bơngai Isơrael thuơ kơdâu ôn brŏk tơ bơsŭn lu sư kơdih. Noh bơih jĭ minh tơdrong tơblah thuơ tih dêh; pêng-jĭt rơbâu linh trong teh lôch glơch glach.