Horiso 71:9 - Sơ̆p Hlabơar Nơ̆r 'Bok Kei-Dei

⁹ Apinh Ih 'nĕ pơpuh inh kơplah inh đĭ kră, dah jơhngơ̆m inh pă kĕ.

Horiso 71:9 Iomraidhean Croise

II Sam 19:35

Dang ei inh đei tơhngam-jĭt sơnăm boih, inh ưh pă băt kơ tơdrong 'lơ̆ng păng tơdrong kơnê̆ dơ̆ng boih Đĭch đam ih kư̆m ưh pă băt kơ tơmam sa, đak nhă nham dah ưh. Kŭm ưh pă gơh mơ̆ng nơ̆r hơri lu khŭl drŏ-nglo, drŏ-kăn hiôk dah ưh Đĭch đam ih pơnĕ pơm pơmat kơ pơtao yŏng tơ'ngla inh đĕch

Horiso 71:18

Ơ Kră Yang 'Bok Kei-Dei, mă khan inh kră, hăm sŏk ko boih. Apinh Ih 'nĕ achăng lê̆ inh, Dĭng inh đei ră roi kơ rim jơhnơr, tơdrong pran kơtang Ih. Păng tơdrong gơh kĕ mơsêh mơyang Ih kơ lu bơngai.

Horiso 73:26

Sĕch akar păng jơhngơ̆m inh gô răm; Mă-lei Kră Yang 'Bok Kei-Dei ăn jơhngơ̆m inh pran kơtang păng tơmam inh yua gĭt ling-lang.

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Êsai 46:4

Dĭng truh kơ iĕm kră krŭng Inh kư̆m oei Kră Yang lei-lăi. Truh tơ iĕm sŏk ko go kơdŭ Inh kư̆m oei pôk kơ'mĭn lu iĕm Inh pơjing bơih lu iĕm, na gô pŭ pôk lu iĕm, Inh gô pôk kơ'mĭn păng pơklaih lu iĕm.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.