Horiso 71:2 - Sơ̆p Hlabơar Nơ̆r 'Bok Kei-Dei

² Lăm tơdrong tơpăt Ih, apinh Ih dŏng pơklaih inh păng ăn kơ inh gơh rơngei. Pơgling đon mơ̆ng inh păng pơklaih inh.

Horiso 71:2 Iomraidhean Croise

Horiso 143:1

Ơ Kră Yang, apinh Ih mơ̆ng nơ̆r inh krao khan, pơgling đon Ih mơ̆ng dôm nơ̆r inh krao apinh Ih mơnat. Lăm tơdrong 'lơ̆ng tơpăt, yua kơ Ih tơpăt sĭt, apinh Ih tơl tơwih nơ̆r inh hơpơi.

Horiso 143:11

Ơ Kră Yang, yua kơ anăn Ih. Ăn kơ inh arih Lăm tơdrong tơpăt Ih, dui iŏk inh klaih đơ̆ng tơdrong pơmat-tat.

Horiso 17:2

Ăn tơdrong inh pơm trŏ lĕch đơ̆ng anăp Ih; Apinh măt Ih lăng tơdrong tơpăt inh.

Horiso 17:6

Ơ Kră Yang 'Bok Kei-Dei, inh Krao apinh Ih, Yua kơ Ih gô tơl tơwih nơ̆r inh krao khan. Apinh Ih pơgling đon mơ̆ng inh krao khan.

Horiso 31:1

Ơ Kră Yang, inh ôn kơ'nơp lăm Ih. 'Nĕ ăn kơ inh mơlâu ling-lang. Apinh tơdrong tơpăt Ih tơgŭm dŏng inh.

Horiso 31:2

Apinh Ih pơgling đon mơ̆ng inh, mă kuăng kuăng dŏng pơklaih inh; Pơm bĕ thoi tơmo tih kơjăp ăn kơ inh kơ'nơp, Păng thoi kơđông kơjăp dŏng pơklaih inh.

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Horiso 43:1

Ơ Kră Yang 'Bok Kei-Dei! Sek tơlang kơ inh bĕ, Păng dŏng inha đơ̆ng lu kon pơlei ưh kơ lui.b Apinh pơklaih inh đơ̆ng lu bơngai hơlĕnh pơm kơnê̆.

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.