Horiso 71:12 - Sơ̆p Hlabơar Nơ̆r 'Bok Kei-Dei

¹² Ơ Kră Yang 'Bok Kei-Dei! Lê̆ kơ hơtaih đơ̆ng inh. Ơ Kră Yang 'Bok Kei-Dei. Tơgŭm pơklaih inh mă kuăng kuăng.

Horiso 71:12 Iomraidhean Croise

Horiso 10:1

Ơ Kră Yang, yua kơ kiơ Ih dơ̆ng ataih, Kơplah đei tơdrong pơmat-tat liơ Ih ôn akâu?

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Horiso 22:11

'Nĕ kơ oei ataih đơ̆ng inh, yua kơ tơdrong rŭng răng wă jê̆ boih, păng ưh kơ đei bu dŏng inh.

Horiso 22:19

Mă-lei Ih ơ Kră Yang! 'Nĕ dơ̆ng ataih đơ̆ng inh, Ơ Kră Yang pran kơtang inh! Tĕnh bĕ tơgŭm dŏng inh.

Horiso 35:22

Ơ Kră Yang! Ih 'bôh boih tơdrong noh, Apinh lê̆ kơ ngăn. Kră Yang ơi! 'Nĕ kơ achăng inh.

Horiso 40:13

Ơ Kră Yang! Apinh Ih pơklaih inh, Ơ Kră Yang, tĕnh tĕnh bĕ tơgŭm inh.

Horiso 69:18

Apinh Ih năm jê̆ inh păng huai iŏk bơhngol inh. Apinh dŏng pơklaih inh đơ̆ng lu bơngai ayăt.

Horiso 70:5

Gah inh tơnat pat, Kră Yang 'Bok Kei-Dei! Mă kuăng bĕ năm tơ inh. Ih boih Tơ'ngla dŏng tơgŭm inh păng pơklaih inh; Ơ Kră Yang 'nĕ kơ pơhiơ̆.