Horiso 7:12 - Sơ̆p Hlabơar Nơ̆r 'Bok Kei-Dei

¹² Tơdah lu bơngai kơnê̆ ưh kơ tơbral, Kră Yang 'Bok Kei-Dei gô pat đao Sư, Hơ'năk lê̆ hră Sư răp tơ noh

Horiso 7:12 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Horiso 129:4

Kră Yang jơ̆ 'lơ̆ng tơpăt; Sư chơ̆ng lê̆ boih tơlei lu bơngai pơm kơnê̆ chô̆ inh.

Horiso 85:4

Ơ Kră Yang 'Bok Kei-Dei Tơ'ngla dŏng pơklaih lu nhôn, apinh Ih tơiung lu nhôn dơ̆ng bĕ. Apinh Ih lê̆ pă blĕk kơ lu nhôn.

Horiso 9:5

Kră Yang, Ih hil chrih boih rim teh đak pơrăm boih lu bơngai kơnê̆, Ih sut lê̆ boih dôm anăn lu sư ling-lang hlŏng hloi.

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 34:5

Mưh đao gưm Inh huch suai bơih tơ kơpal plĕnh. Na 'nâu sư gô jur tơ Eđôm, jur tơ kon pơlei mă Inh đei sek wă pơrăm lu sư.

Êsêkiên 18:30

Thoi noh Kră Yang khan: “Ơ adrĕch Isơrael, Inh gô sek tơlang lu iĕm, rim 'nu kiơ̆ kơ tơdrong sư đei pơm. Athei wih tơbral bĕ păng hŭt lê̆ dôm tơdrong yoch kơnê̆ lu iĕm, wă kơ tơdrong kơnê̆ huay kơ pơgăn pơrăm lu iĕm.

Êsêkiên 21:23

Lu bơngai Jêrusalem hlôi pơkă pơkăm kơjăp hăm sư, na đei tơchĕng 'bôh tơdrong hlang lăng noh tơ'bôh glăi, mă-lei pơtao đei tơ'blŏk kơ lu sư tơdrong yoch lu sư, na mă rôp phak lu sư jing bơnă.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.