Horiso 68:2 - Sơ̆p Hlabơar Nơ̆r 'Bok Kei-Dei

² 'Nhui đông hach thoi yơ, Kră Yang gô pơm kơ lu sư hach thoi noh mơ̆n; Kŭm thoi jrĕnh lek kơ ŭnh thoi yơ, Dôm lu bơngai kơnê̆ gô lôch 'bơ̆t anăp Kră Yang 'Bok Kei-Dei thoi noh mơ̆n.

Horiso 68:2 Iomraidhean Croise

II Sam 10:13

Jôap hăm lu linh kiơ̆ sư năm tơblah hăm lu linh Siri, lu linh Siri thuơ chă kơdâu ôn.

II Sam 10:18

Mă-lei lu linh Siri thuơ kơdâu đơ̆ng anăp lu linh Isơrael, Đawit pơlôch lu linh Siri pơrăm tơpơh-hrĕng tŏ gre aseh, păng puăn-jĭt rơbâu 'nu lu linh bơngai Siri. Sobak yŏng pơgơ̆r linh Siri rơka hngăm dêh păng lôch hloi tơ noh.

Horiso 22:14

Inh thoi đak đe tuh, đĭ kơting inh pă đei tơklep băl. Plei nuih inh thoi jrĕnh, lek đĭ tơ lăm kơtơh inh.

Horiso 37:20

Gah lu bơngai kơnê̆ gô lôch răm, Lu bơngai ayăt kơ Kră Yang gô jing thoi tơmăn 'nhĕt bluh 'lơ̆ng.d Lu sư gô hach, hiong thoi 'nhui ŭnh.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Horiso 80:16

Tơm hơmu noh chơ̆ng lê̆ păng ŭnh đĭ sa. Ăn kơ lu sư hiong răm đĭ yua kơ đơ̆ng Ih chrih hil.

Horiso 97:5

Lu kông lek hach thoi jrĕnh 'bơ̆t anăp Kră Yang, 'bơ̆t anăp Kră Yang kơ đĭ-đăng teh đak.

Êsai 33:3

Kơtơ̆ng re jơwa nơ̆r Ih thoi grơ̆m, lu kon pơlei kơdâu ôn đĭ; mưh Ih iung blah lu teh đak tơklah tơklang.

Êsai 64:2

Nhen ŭnh sa 'long ŭnh kro, nhen ŭnh pơm kơ đak blôk, wă kơ lu bơngai ayăt băt kơ anăn Ih. Đĭ kơ teh đak tơtey 'bơ̆t anăp Ih.

Êsai 9:18

Ŭnh sa teh lu sư, yua kơ Kră Yang Tih Hloh hil, kon pơlei jing thoi tơmam ăn kơ ŭnh sa, ưh kơ đei bu 'mêm mơnat kơ 'nhŏng oh sư kơdih.

Je 46:15

Liơ yang Apis mă pran kơtang ih kơdâu boih? Yang rơmo tơno ih ưh kơ kĕ kơ dơ̆ng, yua kơ Kră Yang tơlơ̆ lê̆ sư.

Hôsia 13:3

Thoi noh lu sư nhen thoi tŭk pơgê hrôih kư̆m thoi iĕ kơ đak ngom pơgê 'bônh kơ hrĕng, kư̆m thoi hơkam ba kial bơbơ̆t đơ̆ng anih juă 'ba, thoi 'nhui lĕch đơ̆ng 'măng-'mŏk.

Mi 1:4

Lu kông gô lek hach ala jơ̆ng Sư, lu thŭng thong gô hơđang lek thoi jrĕnh dan jê̆ ŭnh, thoi đak ro jruh kơ kông krang.

Jo 10:35

Rim wơ̆t Hom Pơgơ̆p năm, na Môis khan thoi âu: Ơ Kră Yang, apinh ih iung yak bĕ, wă kơ lu bơngai ayăt kơ Ih kơdâu tơklah tơklang đĭ; lu đe bu areh kơ Ih gô kơdâu ôn đĭ đơ̆ng anăp Ih!