Horiso 67:4 - Sơ̆p Hlabơar Nơ̆r 'Bok Kei-Dei

⁴ Ơ jơ̆p kơ teh đak chơt hiôk hơri 'nă hal bĕ; Yua kơ Kră Yang 'Bok Kei-Dei Sư sek tơlang tơpăt ăn kơ kon pơlei. Păng pơgơ̆r chông ba kon bơngai. Lăm teh đak. Sêla

Horiso 67:4 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Horiso 2:8

Apinh bĕ Inh, Inh gô ăn kơ ih lu teh đak jing teh ih jang sa. Păng jơ̆p-jang kơ teh jing tơmam ih

Horiso 82:6

Inh khan boih: “Lu iĕm jơ̆ yang đĭ-đăng iĕm jing kon Kră Yang Tih Hloh.

Horiso 9:8

Sư gô sek tơlang kơ teh đak hăm tơdrong tơpăt, Sư pơgơ̆r tơpăt na sek tơlang kon bơngai hăm tơdrong trŏ.

Horiso 96:10

Athei roi bĕ kơ lu dêh char: “Kră Yang pơgơ̆r. Teh đak đei pơjing kơjăp, ưh kơ đei pơpơ̆. Sư gô sek tơlang kơ kon pơlei pơla tơpăt.”

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Êsai 54:1

Ơ bơngai drŏ-kăn hơwŏng, bơngai ưh kơ đei hơiơch hơri bĕ. Ơ bơngai tam mă jĭ rơneh, hơri jreo hiôk chơt bĕ, yua kơ kon hơ'lơ̆p bơngai drŏ-kăn tŭk gô đei lơ hloh kơ kon hơ'lơ̆p bơngai drŏ-kăn mă đei klo, Kră Yang khan thoi 'noh.

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Êsai 60:6

Khŭl aseh lăk-đa gô 'bĕnh-'bang kơ dêh char ih, kon aseh lăk-đa đơ̆ng dêh char Mađian păng Êpha. Lu bơngai mơdro đơ̆ng Sêba truh, chĕp ba maih păng tơmam 'bâu phu păng hơri ư-ang kơ Kră Yang.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Galati 4:27

Lăm sơ̆p hla bơar 'Bok Kei-Dei khan kơ Pơlei Jêrusalem tơ kơpal plĕnh ti thoi âu: “Ơ bơngai hơwŏng, mă kơ biơh jĭ anăp, mă-lei ih gô chơt tơpă. Klo ih achăng lê̆ ih boih, mă-lei ning-mônh ih gô đei kon lơ hloh kơ bơngai mă đei klo dang ei.”

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.