2 Đơ̆ng tôch kơ teh đak, inh gô ôr krao Ih, tơdah jơhngơ̆m inh rơdu boih; Apinh Ih chông ba inh 'bơ̆t tơmo kơjung hloh kơ inh.
Mưh jơhngơ̆m inh rơdu. Ih băt boih kơ trong inh. Tơ lăm trong inh yak năm, lu sư đăk lê̆ hơđong boih.
Thoi noh bơhngol inh rơdu tơpă, jơhngơ̆m inh rŭng răng dêh.
Ơ Kră Yang! Apinh Ih mơ̆ng tơdrong tơpăt, Mơ̆ng pơnhen nơ̆r inh krao chă; Apinh pơgling đon Ih mơ̆ng nơ̆r inh krao khan. Đơ̆ng 'bơ̆r ưh kơ hơlĕnh.
Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.
Kră Yang oei arih ling-lang, thoi tơmo pĕng, trŏ kơ bơ̆n kơkuh tơpă Kră Yang 'Bok Kei-Dei Tơ'ngla pơklaih inh trŏ kơkuh pơyom
Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.
Sư dui hơtŏk inh đơ̆ng sơlŭng hli krưp. Pơklaih đơ̆ng hlŭt jrŭ, Sư dan jơ̆ng inh kơpal tơmo, Păng pơm ăn kơ rim yak inh kơjăp hơđơ̆ng.
Ơ Kră Yang 'Bok Kei-Dei inh! Bơhngol inh rơdu klai lăm ih Na inh 'blŏk kơ Ih. Đơ̆ng char Jôrđăn, Đơ̆ng kơ̆l kông Hermôn păng đơ̆ng groi Misêa.
Ơ bơhngol inh, yua kơ kiơ ih ơh sơ'ngon? Păng rŭng răng lăm akâu inh? Chang hơmĕng bĕ, kơ Kră Yang 'Bok Kei-Dei. Inh oei bơnê kơ Sư, Sư Tơ'ngla dŏng pơklaih inh păng Kră Yang 'Bok Kei-Dei inh.c
Tơdrong hli păng tơrơ truh tơ inh. Tơdrong hli krưp kư̆m gom inh.
Lăp minh 'nu Sư đĕch tơmo pĕng inh, Păng dŏng pơklaih inh, Kơđông kơjăp inh. Inh huay pă pơgơ̆.
Lăp minh 'nu Sư đĕch mă tơmo inh gơnang, Păng dŏng pơklaih inh, Păng anih kơjăp inh, inh ưh pă pơpơ̆.
Inh 'blŏk kơ Ih, ơ Kră Yang 'Bok Kei-Dei Inh ôr tơtok, Inh tơchĕng dêh na jơhngơ̆m inh rơdu rơmơ̆n. Sêla
Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.
Ơ lu bơngai oei pơmat-tat, đơ̆ng kial hơbŭt huơ̆r ưh kơ đei bu pơlung. 'Nâu Inh gô man ih hăm tơmo gĭt, lơ̆k hơnă ih păng tơmo gĭt Saphir.
Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.
Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.