Horiso 6:8 - Sơ̆p Hlabơar Nơ̆r 'Bok Kei-Dei

⁸ Ơ lu pơm kơnê̆ noh, weh bĕ đĭ-đăng ataih đơ̆ng inh, Yua kơ Kră Yang kơtơ̆ng boih nơ̆r inh nhơ̆m ôr.

Horiso 6:8 Iomraidhean Croise

Jop 17:7

Măt inh bơbôl yua kơ ơh sơ'ngon, đĭ-đăng jơ̆ng ti hơkĕ nhen thoi yơ̆p ngôi.

Horiso 116:8

Yua kơ Ih ơ Kră Yang dŏng pơklaih boih inh đơ̆ng tơdrong lôch. Măt inh huay pă lĕch đak măt, Păng jơ̆ng inh huay kơtơih pơ̆k.

Horiso 119:115

Ơ lu bơngai pơm kơnê̆, weh bĕ đơ̆ng inh. Wă kơ inh wei răk nơ̆r Kră Yang 'Bok Kei-Dei inh tơtă.

Horiso 139:19

Ơ Kră Yang 'Bok Kei-Dei, trŏ kơ Ih pơlôch lu bơngai pơm kơnê̆! Lu bơngai 'maih pơlôch đe weh bĕ đơ̆ng inh.

Horiso 145:18

Kră Yang oei jê̆ lu bơngai krao chă Sư. Wă khan oei jê̆ lu đe bu mă krao chă Sư đĭ jơhngơ̆m tơpă.

Horiso 3:4

Inh krao ôr Kră Yang! Đơ̆ng kông rơgoh Sư tơl nơ̆r inh. Sêla

Horiso 31:10

Tơdrong arih inh hiong hiach yua kơ ơh sơ'ngon. Lu sơnăm inh jur yua kơ tơtok tơtăm. Yua kơ tơdrong kơnê̆ inh, b Tơdrong pran kơtang inh huach hiong păng Kơting inh hach răm.

Horiso 56:8

Kră Yang jô̆ rim yak inh, mă năm mă brŏk;f Ih mong đak măt inh lăm kơhnŏk Ih. Đak măt inh Ih ưh kơ chih lăm sơ̆p hla bơar ih hă?

Êsai 30:19

Ơ kon pơlei pơla oei lăm Siôn, lu bơngai oei lăm pơlei Jêrusalem, lu iĕm huay pă nhơ̆m hmoi dơ̆ng bơih. Mưh iĕm krao, sĭt Sư gô mơnat. Mưh kơtơ̆ng lu iĕm krao, Sư gô tơl hloi.

Êsai 38:3

“Ơ Kră Yang apinh ih 'blŏk kơ inh, tơdrong inh arih tơnăp đĭ jơhngơ̆m kiơ̆ ih păng pơm 'lơ̆ng tơpăt 'bơ̆t anăp Ih” đơ̆ng noh pơtao Hesekia nhơ̆m ôr.

Êsai 38:5

“Ih năm khan dơ̆ng kơ Hesekia: Kră Yang 'Bok Kei-Dei Đawit 'bok ih khan thoi âu: Inh kơtơ̆ng bơih nơ̆r ih krao khan, Inh 'bôh bơih đak măt ih lĕch, Inh gô asong ăn kơ ih arih thim pă mơjĭt-pơđăm sơnăm dơ̆ng.

Nhom 3:56

Ih kơtơ̆ng boih nơ̆r inh, 'nĕ kơ chĭt đon Ih kơ nơ̆r inh krao apinh Ih.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Luka 13:27

Na Inh tơl tơwih dơ̆ng: ‘Inh khan kơ iĕm tơpă, Inh ưh kơ băt kơ lu iĕm ôh. Weh tơ nai năm, iĕm bơngai kơnê̆ ngăl.’

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.