Horiso 5:7 - Sơ̆p Hlabơar Nơ̆r 'Bok Kei-Dei

⁷ Gah inh gơnang kơ tơdrong 'mêm tih Ih, inh gô mơ̆t tơ lăm hnam Ih. Iŏk jơhngơ̆m hli yom kơ Ih na drap kơkuh 'bơ̆t anih 'lơ̆ng rơgoh Ih.

Horiso 5:7 Iomraidhean Croise

I Pot 8:35

Mưh plĕnh phang ưh kơ đei đak 'mi yua kơ đơ̆ng lu sư pơm yoch hăm Ih, mă-lei dah lu sư năm tơkan tơ anih âu krao khan hơdrĭ hăm anăn ih, hŭt lê̆ tơdrong yoch lu sư, yua kơ ih phak bơtho lu sư boih.

I Pot 8:38

Mưh đei minh 'nu dah đĭ-đăng lu bơngai Isơrael, lu sư băt kơ tơdrong lu sư pơm ưh kơ trŏ, lu sư yơ̆r ti tơklă hnam âu, lu sư krao khan hơdrĭ tơdrong kiơ,

Horiso 101:7

Lu mă hơlĕnh pơdăr ưh kơ gơh oei tơ lăm hnam inh. Bơngai pơma hơlĕnh ưh kơ gơh dơ̆ng 'bơ̆t anăp inh.

Horiso 130:4

Mă-lei Ih đei jơhngơ̆m huay kơ jô̆ yo wă kơ đe hli yom kơ Ih.

Horiso 132:7

Bĕ bơ̆n năm tơ anih Sư oei. Hăm drap kơkuh 'bơ̆t jơ̆ng Sư.

Horiso 138:2

Inh gô drap kơkuh 'bơ̆t anih rơgoh Ih. Bơnê kơ anăn Ih yua kơ tơdrong 'mêm păng tơdrong sĭt tơpăt Ih. Yua kơ Ih đei pơm ăn kơ anăn păng nơ̆r Ih đei pơyom tih hloh kơ đĭ-đăng,

Horiso 28:2

Apinh ih mơ̆ng inh krao apinh. Mưh inh yơ̆r ti tơ Anih 'Lơ̆ng rơgoh Ih. Mưh inh krao apinh ih dŏng tơgŭm.

Horiso 34:17

Lu bơngai 'lơ̆ng tơpăt Krao apinh, Kră Yang mơ̆ng hloi. Păng pơklaih lu sư đơ̆ng tơdrong pơmat-tat.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Horiso 52:8

Gah inh thoi 'long ôliwơ hơdrih 'lơ̆ng lăm Hnam Kră Yang 'Bok Kei-Dei. Inh lui gơnang kơ tơdrong 'mêm Kră Yang 'Bok Kei-Dei ling-lang hlŏng hloi.

Horiso 55:16

Gah inh krao apinh Kră Yang 'Bok Kei-Dei. Na Kră Yang 'Bok Kei-Dei gô dŏng pơklaih inh.

Horiso 69:13

Mă-lei ơ Kră Yang! Inh krao apinh kơ Ih! Ơ Kră Yang 'Bok Kei-Dei lăm tơdrong Ih 'mêm mơnat apinh Ih tơl tơwih nơ̆r inh, Hăm tơdrong dŏng pơklaih sĭt Ih.

Horiso 69:16

Ơ Kră Yang! Apinh Ih tơl tơwih kơ inh, yua kơ tơdrong 'mêm 'lơ̆ng Ih; Kiơ̆ kơ tơdrong 'mêm mơnat Ih, apinh wih tơ inh.

Tơdrông Pơđơk 6:16

Đei tơdrâu tơdrong mă Kră Yang areh, Tơpơh tơdrong Kră Yang lăng krưp dêh.

Tơdrông Pơđơk 6:17

Măt lăng pơang, Hơpiĕt hơlĕnh pơdăr; Ti 'bet pơlôch bơngai ưh kơ đei yoch;

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Hêbrơ 4:16

Thoi noh na bĕ bơ̆n năm jê̆ tơ anăp Sư. Huay kơ hli ôh, Sư mơnat kơ bơ̆n tơpă, Sư wă tơgŭm bơ̆n lơ̆m dôm tơdrong bơ̆n kăl yua.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”