Horiso 48:10 - Sơ̆p Hlabơar Nơ̆r 'Bok Kei-Dei

¹⁰ Ơ Kră Yang 'Bok Kei-Dei, anăn Ih thoi yơ! Na tơdrong kơkuh bơnê kơ Ih, Kŭm thoi noh truh tơ tôch kơ teh đak. Ti 'ma Ih 'bĕnh kơ tơdrong tơpăt.

Horiso 48:10 Iomraidhean Croise

I Ho 16:14

Sư boih Kră Yang 'Bok Kei-Dei bơ̆n; Sư sek tơlang jơ̆p-jang kơ teh đak.

Horiso 11:7

Yua kơ Kră Yang 'Lơ̆ng tơpăt; Sư 'mêm kơ tơdrong tơpăt: Lu bơngai mă tơpăt gô lăng 'bôh muh măt Sư.

Horiso 113:3

Đơ̆ng gah măt năr lĕch truh tơ măt năr mơ̆t; Hơri ư-ang bĕ kơ anăn Kră Yang.

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Both 28:58

Tơdah iĕm ưh kơ kơchăng pơm kiơ̆ dôm nơ̆r đơ̆ng khôi juăt 'nâu, chih boih lăm sơ̆p hla bơar 'nâu, ưh pă hli kơ anăn 'lơ̆ng rŏ Kră Yang 'Bok Kei-Dei iĕm anăn ư-ang trŏ kơ hli yom krưp,

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”