Horiso 47:1 - Sơ̆p Hlabơar Nơ̆r 'Bok Kei-Dei

¹ Ơ kon pơlei pơla, tap ti bĕ, iŏk nơ̆r jei tih na jreo chhôk kơ Kră Yang 'Bok Kei-Dei.

Horiso 47:1 Iomraidhean Croise

II Sam 6:15

Kơplah Đawit păng đĭ kon pơlei Isơrael tung anhăk ba Hom pơgơ̆p Kră Yang nơ̆r jreo tơkĕch hiôk chơt păng hlôm keng.

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”

II Ho 13:15

Lu bơngai Juđa jreo năm tơ anăp tơblah. Kơplah lu kon pơlei Juđa jreo năm tơblah, Kră Yang 'Bok Kei-Dei blah pơrăm Jêrôbôam păng đĭ-đăng linh Isơrael 'bơ̆t anăp pơtao Abija păng bơngai Juđa.

Horiso 106:47

Ơ Kră Yang, 'Bok Kei-Dei lu nhôn, apinh Ih dŏng pơklaih lu nhôn. Akŭm pơpôi lu nhôn đơ̆ng jơ̆p kơ dêh char. Wă kơ lu nhôn bơnê ư-ang kơ anăn 'lơ̆ng rơgoh Ih păng gơh oei hiôk hơri kơkuh kơ Ih.

Horiso 42:1

Ơ Kră Yang 'Bok Kei-Dei! Bơhngol inh chang gô Ih. Thoi kon juei 'maih kơ đak glung.

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 47:5

Kră Yang 'Bok Kei-Dei tŏk hăm nơ̆r jreo chơt hiôk, Kră Yang tŏk păr lăm jơwa keng re

Horiso 98:4

Ơ đĭ-đăng teh đak, ôr chơt 'nă hal bĕ kơ Kră Yang. Hơri chơt hiôk bĕ păng hơri tơ'nguơ̆ bơnê kơkuh bĕ kơ sư,

Horiso 98:8

Đak krong wang tap ti bĕ! Kông groi kư̆m wang hơri chơt hiôk bĕ 'bơ̆t anăp Kră Yang!

Êsai 55:12

Bĕ lu iĕm gô lĕch năm hiôk chơt păng ba lăm tơdrong hiôk-hian. Kông kơjung păng groi kơđeh gô đei nơ̆r hơri 'bơ̆t anăp lu iĕm. Rim kơ 'long tơ bri brah gô tơtap ti.

Je 31:7

Kră Yang khan: “Bĕ bơ̆n hơri chơt hiôk kơ Jakôp; tơkĕch tơjroh bĕ kơ lu adrĕch adrung gĭt kăl, pôk bơnê pơyom bĕ na khan: ‘Kră Yang dŏng pơklaih boih kon pơlei pơla Sư, lu kon pơlei Isơrael mă oei arih.’

Jêphania 3:14

Ơ kon drŏ-kăn Siôn, hơri bĕ! Ơ adrĕch adrung Isơrael, iŏk chơt hiôk bĕ! Ơ kon adruh Jêrusalem, 'nă hal bĕ.

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!