Horiso 42:5 - Sơ̆p Hlabơar Nơ̆r 'Bok Kei-Dei

⁵ Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

Horiso 42:5 Iomraidhean Croise

Jop 13:15

Mă Kră Yang pơlôch inh, inh kư̆m oei gơnang kơ sư; Mă-lei inh oei dŏng tơdrong arih inh 'bơ̆t anăp Sư.

Horiso 35:14

Inh lăng lu sư thoi buăl juăt, thoi 'nhŏng oh. Inh sơ'ngon kŭp thoi đe hmoi ơh kơ mĕ sư lôch.

Horiso 37:7

Oei hreh bĕ 'bơ̆t anăp Kră Yang păng chang gô Sư. 'Nĕ kơ ơh klai yua kơ lu đe đei pŭn hiôk lăm trong lu sư. Dah yua kơ bơngai noh pơm keh lu tơdrong kơnê̆.

Horiso 38:6

Inh drap kŭp kơ̆l tơ teh; Prăt năr inh yak lăm ơh sơ'ngon,

Horiso 42:11

Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.

Horiso 43:5

Ơ bơhngol inh, yua kơ kiơ ih ơh sơ'ngon? Păng rŭng răng lăm akâu inh? Chang hơmĕng bĕ, kơ Kră Yang 'Bok Kei-Dei. Inh oei bơnê kơ Sư, Sư Tơ'ngla dŏng pơklaih inh păng Kră Yang 'Bok Kei-Dei inh.c

Horiso 44:3

Ưh kơ trŏ đơ̆ng yua khêl đao sư mă đei dêh char, kư̆m ưh kơ đei đơ̆ng tơpang ti kơdih mă đei jơnei.a Mă-lei đơ̆ng ti 'ma Ih, kơkŏng Ih păng tơdrong hơdah đơ̆ng muh măt Ih. Yua kơ Ih 'mêm kơ lu sư.

Horiso 56:11

Inh gô gơnang kơ Kră Yang 'Bok Kei-Dei, huay pă hli kơ kiơ; Lu kon bơngai gơh pơm kiơ kơ inh?

Horiso 56:3

Lăm năr hli tơrơ. Inh gô gơnang kơ Ih.

Horiso 61:2

Đơ̆ng tôch kơ teh đak, inh gô ôr krao Ih, tơdah jơhngơ̆m inh rơdu boih; Apinh Ih chông ba inh 'bơ̆t tơmo kơjung hloh kơ inh.

Horiso 71:14

Mă-lei gah inh chang hơmĕng kơ Ih ling-lang. Păng bơnê kơ Ih rai dêh.

Horiso 77:3

Inh 'blŏk kơ Ih, ơ Kră Yang 'Bok Kei-Dei Inh ôr tơtok, Inh tơchĕng dêh na jơhngơ̆m inh rơdu rơmơ̆n. Sêla

Êsai 30:29

Lu iĕm gô hơri thoi lăm măng iĕm pơm giĕng 'lơ̆ng rơgoh, jơhngơ̆m lu iĕm gô chơt hiôk thoi bơngai hlôm 'lal tŏk tơ kông Kră Yang, truh tơ Tơmo Tih đe Isơrael.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Jo 6:26

Apinh Kră Yang tơmang lăng iĕm păng ăn tơdrong chơt hiôk kơ iĕm.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Mathiơ 26:38

Na Sư khan kơ pêng 'nu noh: “Dang ei Inh sơ'ngon dêh dang lĕ kơ wă lôch, na iĕm ngôi 'bơ̆t âu kral kơchăng ngôi hơpong kơ Inh 'biơ̆ hŏ.”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.