Horiso 4:2 - Sơ̆p Hlabơar Nơ̆r 'Bok Kei-Dei

² Ơ kon bơngai! Tơdrong ư-ang inh, iĕm wă pơjăm dĭng dang yơ? Lu iĕm 'mêm kơ tơdrong kư̆ kă 'maih chă tơdrong hơlĕnh dĭng dang yơ dơ̆ng?

Horiso 4:2 Iomraidhean Croise

Horiso 106:20

Lu sư tơplih Kră Yang Ư-Ang lu sư jing thoi rup rơmo sa 'nhĕt.

Horiso 14:6

Lu iĕm pơrăm tơdrong lu bơngai dơnuh tơdă, Mă-lei Kră Yang jơ̆ anih lu sư kơ'nơp.

Horiso 2:1

Yua kơ kiơ đei tơdrong iung blơ̆ lăm dêh char? Păng lu kon pơlei chă đon tơdrong hiong răm?

Horiso 3:3

Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Horiso 31:6

Inha areh kơ lu bơngai kơkuh kơ rup man, hiong răm, Mă-lei inh gơnang kơ Kră Yang.

Horiso 5:6

Ih gô pơrăm đĭ lu bơngai pơm pơma hơlĕnh, Ih areh kơ lu bơngai pơlôch đe, Hăm lu bơngai sa pơgâm.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 57:4

Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Horiso 58:1

Ơ lu drŏ-nglo kon bơngai, lu iĕm ngăn hăm trŏ pơma 'lơ̆ng tơpăt ưh? Lu iĕm sek tơlang kon bơngai tơpăt hă?

Horiso 58:3

Lu bơngai pơm kơnê̆ đei đơ̆ng oei lăm klak mĕ sư. Lu sư pơma hơlĕnh plêl iŏk đơ̆ng 'nao tơpŭ.

Horiso 63:11

Mă-lei pơtao gô chơt hiôk lăm Kră Yang 'Bok Kei-Dei. Bu pơkă hăm anăn Kră Yang gô pôk pơư kơ Kră Yang; Yua kơ Sư gô chĭt lê̆ 'bơ̆r lu bơngai pơma plêl.

Horiso 72:2

Sư gô sek tơlang kon pơlei Ih tơpăt hơnơ̆ng. Sek lu bơngai dơnuh hin trŏ tơpăt.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Tơdrông Pơđơk 1:22

Ơ lu bơngai kơtul kơwao, Lu iĕm 'mêm kơ tơdrong kơtul kơwao dĭng dang yơ? Lu bơngai pơjăm pơjuă chơt hiôk pơjăm pơjuă dĭng dang yơ? Lu bơngai kơtul areh kơ tơdrong hơgei dĭng dang yơ?

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Bôk Bơthô 9:3

Tơdrong mă sơ'ngon dêh lăm ala teh âu, đĭ-đăng bơngai tă kơ lei-lăi ngăl. Mă loi lu bơngai đei, jơhngơ̆m 'bĕnh kơ tơdrong kơnê̆ păng kơplah lu sư oei arih ưh kơ băt tơchĕng, kiơ̆ kơtul kơwao tuch-luch đĭ-đăng gô lôch ngăl.

Êsai 20:5

Kơplah noh lu bơngai gơnang kơ teh đak Kus păng hơmĕng kơ teh đak Êyiptơ gô hli păng mơlâu.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Je 2:5

Kră Yang khan: “Yă 'bok lu iĕm đei 'bôh tơdrong kiơ mă ưh kơ tơpăt lăm Inh dĭng mah lu sư weh ataih đơ̆ng Inh Kiơ̆ lu yang kơnê̆ păng jing bơngai ưh kơ yua kiơ?

Je 9:3

“Lu sư gŭt hơpiĕt thoi gŭt hră. Wă prah tơlĕch nơ̆r hơlĕnh pơdăr. Lu sư jing gơh pơgơ̆r lăm char đơ̆ng tơdrong hơlĕnh pơdăr. Ưh kơ trŏ tơdrong sĭt tơpă. Lu sư pơm yoch 'nâu pơm yoch plơ̆ng dơ̆ng. Păng đĭ ưh pă băt kơ Inh,” noh Kră Yang khan.

Hôsia 4:7

Lu sư hrôh rai lơ dang yơ, lu sư kư̆m pơm yoch hăm Inh dang noh. Inh gô tơplih tơdrong ư-ang lu sư jing tơdrong mơlâu.

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Jang 24:9

Đang kơ Têtulus pơma, lu bơngai Juđê oei lăm hnam sek tơlang ei kư̆m pơma jâu kơ Pôl mơ̆n. Lu sư khan: “Tơdrong Têtulus pơma noh trŏ tơpă.”

I Kor 1:31

Thoi noh mơ̆n, lăm sơ̆p hla bơar 'Bok Kei-Dei đe chih thoi âu sơ̆: “Bơ̆n 'nĕ pă pơang akâu kơdih, bơ̆n athei pơang anăn Kră Yang đĕch.”

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.