Horiso 37:3 - Sơ̆p Hlabơar Nơ̆r 'Bok Kei-Dei

³ Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Horiso 37:3 Iomraidhean Croise

Bl 26:2

Kră Yang tơ'bơ̆p sư păng khan thoi âu: “'Nĕ kơ jur tơ dêh Êyiptơ, athei oei bĕ tơ anih mă Inh gô tơ'bôh kơ ih.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

I Pot 19:6

Sư iung lăng 'bôh minh tơpei 'bĕng 'bơ̆t kơ̆l anih sư 'bĭch oei 'buh kơpal tơmo ŭnh păng minh pôm get đak, sư iŏk sa păng nhă đak 'noh đơ̆ng noh sư 'bĭch dơ̆ng.

Horiso 26:1

Ơ Kră Yang, apinh Ih sek tơlang lăng inh, Yua kơ inh oei arih 'lơ̆ng rơgoh,a Inh gơnang kơ Kră Yang na inh huay kơ tơpling jơ̆ng.

Horiso 33:19

Wă pơklaih bơhngol lu sư đơ̆ng lôch, Păng bơwei tơdrong arih lu sư lăm năr pơngot rơwĕt.

Horiso 4:5

Pơyơ̆r bĕ tơmam soi mă 'lơ̆ng tơpăt, Păng lui gơnang kơ Kră Yang 'Bok Kei-Dei.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Tơdrông Pơđơk 3:5

Gơnang bĕ kơ Kră Yang hăm đĭ jơhngơ̆m, 'Nĕ kơ gơnang kơ đon hlôh wao ih;

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Luka 22:35

Na Yêsu khan kơ lu sư dơ̆ng: “Sơ̆ Inh wơh iĕm năm chă bơtho đe, na Inh khan kơ iĕm 'nĕ kơ chĕp ba jên, mă kơdŭng tah tơmam, dah chơkhŏ, na iĕm hăm kơ'bah kơ tơdrong kiơ ưh sơ̆?” Lu sư tơl: “Nhôn ưh kơ đei kơ'bah tơdrong kiơ ôh sơ̆.”

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.