Horiso 30:5 - Sơ̆p Hlabơar Nơ̆r 'Bok Kei-Dei

⁵ Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Horiso 30:5 Iomraidhean Croise

Bl 32:24

Jakôp oei minh drô̆ sư; na đei minh 'nu bơngai tơglơ̆m hăm sư truh pơgê.

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 103:9

Sư ưh kơ chrih kơ bơ̆n ling-lang ôh; Kŭm huay kơ hil mĭl khŏm khŏm mơ̆n.

Horiso 143:8

Pơgê hrôih, apinh Ih ăn kơ inh kơtơ̆ng nơ̆r Ih 'mêm mơnat. Yua kơ inh gơnang kơ Ih. Apinh Ih bơtho ăn kơ inh trong wă yak kiơ̆. Yua kơ inh hơtŏk bơhngol inh tơ Ih.

Horiso 145:10

Ơ Kră Yang, lu tơmam đêl Ih pơjing gô bơnê ư-ang kơ Ih; Dôm lu bơngai rơgoh gô hơri bơnê kơ Ih.

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 46:5

Kră Yang 'Bok Kei-Dei oei lăm pơlei noh, pơlei ei ưh kơ đei pơpơ̆. Lăp 'brưch pơgê hrôih Kră Yang 'Bok Kei-Dei tơgŭm sư boih.

Horiso 47:7

Yua kơ Kră Yang 'Bok Kei-Dei jơ̆ pơtao đĭ kơ plĕnh teh. Hơri bơnê jô̆c pơđơ̆k pôk kơ sư bĕ.

Horiso 59:16

Mă-lei inh gô hơri bơnê, tơdrong mơsêh Ih Pơgê hrôih drôih hơri re kơ tơdrong Ih 'mêm mơnat; Yua kơ Ih jing anih kơjăp inh kơ'nơp. Minh anih inh kơ'nơp lăm năr đei tơdrong anat anot.

Horiso 63:3

Yua kơ tơdrong 'mêm Ih, Gĭt hloh kơ tơdrong arih; Hơkŭng inh bơnê ư-ang kơ Ih.

Horiso 97:12

Ơ lu bơngai tơpăt lu iĕm chơt hiôk bĕ lăm Kră Yang. Bơnê kơ Anăn 'lơ̆ng rơgoh Sư.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 26:20

Ơ kon pơlei pơla Inh mơ̆t bĕ tơ anih ih păng tang bĕ 'măng gah rŏng ih, ôn bĕ akâu iĕm hơya tŏ sĕt năr, Dĭng truh kơ layơ tơdrong Kră Yang hil hlôi đĭ.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Mathiơ 5:4

“Pŭn dêh lu bơngai mă ơh sơ'ngon, 'Bok Kei-Dei wă pơlung lu sư.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.