Horiso 3:3 - Sơ̆p Hlabơar Nơ̆r 'Bok Kei-Dei

³ Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Horiso 3:3 Iomraidhean Croise

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Bl 40:13

Pă pêng năr dơ̆ng Pharaôn gô tơlĕch ih đơ̆ng hnam phak, hơlơ̆k ăn kơ ih jang thoi đêl, ih gô pôk kơchŏk Pharaôn tơpơng tơ ti sư thoi so, thoi ih đei jang pơm bơngai lăng hơmet đak nhă sơ̆.

II Pot 18:30

Kŭm 'nĕ ăn kơ sư pơtrŭt lu iĕm lui gơnang kơ Kră Yang khan: Kră Yang gơh pơklaih bơ̆n păng pơlei âu ưh kơ huŏng lăm ti lu đe Asiri ôh.”

II Pot 18:32

dĭng truh tơ inh chông ba iĕm tơ minh pôm dêh char lei-lăi thoi dêh char iĕm, noh dêh char mă đei phe 'ba, đak hơmu, 'bĕng păng pơgar hơmu, minh pôm dêh char đei đak ôliwơ păng đak sut. Thoi noh na iĕm gô arih, huay kơ lôch ôh. “Lei na iĕm 'nĕ kơ mơ̆ng Hesekia, yua kơ sư hơlĕnh kơ lu iĕm 'bơ̆t mă sư pơma khan: Kră Yang gô dŏng pơklaih bơ̆n.

II Pot 25:27

Lăm sơnăm mă pêng-jĭt tơpơh, jô̆ đơ̆ng sơnăm đe rôp phak Jêhôiachin pơtao đe Juđa. Lăm năr 'bar-jĭt tơpơh, khei mơjĭt-'bar, Êwil Mêrôđak tŏk pơm pơtao Babilôn, na sư tơlĕch hĭ Jêhôiachin đơ̆ng hnam phak.

Horiso 110:7

Sư gô nhă đak hơbong ro rok trong, yua kơ thoi noh sư gơh ngơk kơ̆l.

Horiso 119:114

Ih boih anih inh kơ'nơp păng khêl pĕng inh; Inh hơmĕng kơ nơ̆r Ih.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 27:6

Dang ei kơ̆l inh gô ngơk kơjung. Hloh kơ lu ayăt mă wang tăp kơ inh. Lăm kơđông Sư inh pơyơ̆r tơmam soi. Hăm nơ̆r ôr chơt hiôk, Inh gô hơri, bơnê kơ Kră Yang.

Horiso 28:7

Kră Yang jơ̆ jơhngơ̆m pran păng thoi khêl inh, Jơhngơ̆m inh gơnang boih kơ Sư, na inh mă gơh klaih, Yua kơ thoi noh jơhngơ̆m inh chơt hiôk tơpă. Inh gô iŏk nơ̆r hơri bơnê kơ Sư.

Horiso 4:3

Athei băt Kră Yang 'măn lê̆ boih dôm lu bơngai mă chu yom kơ Sư. Dah inh krao khan kơ Kră Yang Sư gô mơ̆ng nơ̆r inh.

Horiso 62:7

Tơdrong dŏng pơklaih păng tơdrong ư-ang inh lăm. Kră Yang 'Bok Kei-Dei tơmo kơjăp; Tơmo inh păng anih inh kơ'nơp.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.

Tơdrông Tơ'bôh 21:11

Pơlei ei 'lơ̆ng rŏ tơpă yua kơ đei 'Bok Kei-Dei oei tơ noh. Pơlei ei rang hơdah dang tơpei hu, dang tơpei maih, rang kok thoi amĭl.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.