Horiso 27:4 - Sơ̆p Hlabơar Nơ̆r 'Bok Kei-Dei

⁴ Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Horiso 27:4 Iomraidhean Croise

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

Horiso 23:6

Tơpă lăm đĭ năr inh oei arih, tơdrong pŭn hiôk păng tơdrong 'mêm mơnat gô kiơ̆ inh; inh gô oei lăm hnam Kră Yang ling-lang hlŏng hloi.

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Horiso 26:8

Ơ Kră Yang, inh 'mêm kơ hnam Ih oei păng anih ư-ang mă Ih oei.

Horiso 27:8

Jơhngơ̆m inh khan kơ Ih, “chơchă bĕ muh măt Sư,”a Na inh khan! Inh gô chơchă muh măt Ih.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Horiso 65:4

Pŭn dêh kơ bơngai bu mă Ih đei rơih păng ăn jê̆ Ih. Wă kơ oei tơ cham Ih: Lu nhôn gô phĭ jơnap đei tơmam 'lơ̆ng đơ̆ng hnam Ih.

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Horiso 84:4

Pŭn dêh kơ bu mă oei lăm hnam Kră Yang! Lu sư gô kơkuh hơri bơnê kơ ih ling-lang. Sêla

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Je 29:13

Lu iĕm gô chă Inh păng gơh tơ'bơ̆p tơdah lu iĕm chă Inh hăm đĭ jơhngơ̆m.”

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Luka 10:42

Đei minh tơdrong mơ̆ng nơ̆r 'Bok Kei-Dei đĕch kăl. Mari sư wă kơ mơ̆ng tơdrong 'Bok Kei-Dei na Inh ưh kơ wă achăng sư ôh.”

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

Luka 2:37

Na sư adro oei oăi minh drô̆ truh kơ sư tơhngam-jĭt puăn sơnăm boih. Na sư ưh pă đei lĕch ngôi đơ̆ng hnam akŭm 'Bok Kei-Dei tơm boih. Sư oei lăm noh, sư ơ̆t kơ por krao khan măng năr.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Philip 3:13

Ơ lu 'nhŏng oh, inh băt boih inh pơm ưh tam mă tôm dôm tơdrong 'noh; na inh ưh pă tơchĕng boih dôm tơdrong so, inh tơchĕng kơ tơdrong jang inh tơ anăp đĕch. Inh wă adrin thoi lu bơngai kơdâu pơjei adrin kơdâu tôch kơ anih đêl đe pơkă, wă kơ inh gơh iŏk dôm tơdrong 'Bok Kei-Dei apah inh.

I Tim 5:5

Bơngai adro tơpă ưh kơ đei bu wă 'me sư na sư lui kơ 'Bok Kei-Dei gô tơgŭm sư. Sư krao khan kơ 'Bok Kei-Dei ling-lang apinh Sư tơgŭm.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

I Sam 1:11

Sư pơma pơkă khan: Ơ Kră Yang Tih Hloh, tơdah ih lăng mơnat kơ đam drŏ-kăn ih, 'blŏk bĕ kơ inh 'nĕ kơ hiơt kơ inh đam drŏ-kăn ih, mă-lei gô ăn kơ đam drŏ-kăn ih đei minh 'nu kon drŏ-nglo, thoi ei inh gô ăn sư kơ ih Kră Yang đĭ chăl arih sư, ưh kơ gơh yuă dah hơkôih sŏk sư.

I Sam 22:10

Ahimelek krao apinh Kră Yang tơgŭm păng đei ăn tơmam sa kơ sư, kư̆m ăn kơ sư tơju Gôliat, bơngai Philistin.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.