Horiso 22:11 - Sơ̆p Hlabơar Nơ̆r 'Bok Kei-Dei

¹¹ 'Nĕ kơ oei ataih đơ̆ng inh, yua kơ tơdrong rŭng răng wă jê̆ boih, păng ưh kơ đei bu dŏng inh.

Horiso 22:11 Iomraidhean Croise

II Pot 14:26

Yua kơ Kră Yang 'bôh bơih lu bơngai Isơrael đei tơdrong pơmat-tat ơh sơ'ngon dêh, lăm Isơrael mă bơngai rơngei, dah đĭch pă đei bu dŏng tơgŭm.

Horiso 10:1

Ơ Kră Yang, yua kơ kiơ Ih dơ̆ng ataih, Kơplah đei tơdrong pơmat-tat liơ Ih ôn akâu?

Horiso 35:22

Ơ Kră Yang! Ih 'bôh boih tơdrong noh, Apinh lê̆ kơ ngăn. Kră Yang ơi! 'Nĕ kơ achăng inh.

Horiso 38:21

Ơ Kră Yang! 'Nĕ achăng inh. Ơ Kră Yang 'Bok Kei-Dei! 'Nĕ kơ weh ataih đơ̆ng inh.

Horiso 69:18

Apinh Ih năm jê̆ inh păng huai iŏk bơhngol inh. Apinh dŏng pơklaih inh đơ̆ng lu bơngai ayăt.

Horiso 71:12

Ơ Kră Yang 'Bok Kei-Dei! Lê̆ kơ hơtaih đơ̆ng inh. Ơ Kră Yang 'Bok Kei-Dei. Tơgŭm pơklaih inh mă kuăng kuăng.

Horiso 71:6

Inh hơđơ̆ng kơ Ih đơ̆ng 'nao tơpŭ sơ̆; Ih boih Kră Yang ăn mĕ inh hơiơch kơ inh. Inh gô bơnê kơ Ih ling-lang

Horiso 72:12

Yua kơ sư gô pơklaih lu bơngai dơnuh hin, dah lu sư krao apinh. Păng dŏng pơklaih lu pơmat-tat mă ưh kơ đei bu tơgŭm.

Êsai 63:5

Inh chă lăng mă-lei ưh kơ đei bu tơgŭm. Inh lăng hlĭch yua kơ ưh kơ đei bu dŏng. Na Inh yua kơkŏng ti Inh wă dŏng jei gah Inh. Păng tơdrong Inh hil mĭl dŏng tơgŭm Inh.

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Mathiơ 26:72

Mă-lei Pêtrôs oei sơngah khan: “Inh khan kơ iĕm tơpă, inh ưh kơ băt kơ Sư ôh.”

Mathiơ 26:74

Na Pêtrôs sơngah hiap akâu sư kơdih khan: “Inh ưh kơ băt tơpă bơngai mă iĕm khan noh.” Đang sư pơma thoi noh lêk kơ iĕr ŏ hloi.

Yo 16:32

Mă-lei pă 'biơ̆ kơnh, wă jê̆ truh boih, đĭ-đăng kơ lu iĕm kơdâu sơlah gah kơdih kơdih brŏk tơ hnam tŭk kơdrô̆ Inh đĕch. Mă tơpă Inh ưh kơ oei kơdrô̆ Inh ôh. 'Bă Inh oei hơdai păng Inh.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.