Horiso 21:9 - Sơ̆p Hlabơar Nơ̆r 'Bok Kei-Dei

⁹ Lăm năr Ih pơdah akâu. Ihb gô pơm kơ lu sư khơ̆ng thoi pla ŭnh, Kră Yang gô luăn lu sư, lăm năr Kră Yang hil blĕk, Păng ŭnh gô soh chhông đĭ lu sư.

Horiso 21:9 Iomraidhean Croise

Bl 19:28

Sư tơmang lăng tơ gah Sôđôm păng Gômôrơ păng đĭ-đăng tơ lăm thŭng, lăng 'bôh 'nhui đơ̆ng teh, 'nhui nhen lĕch đơ̆ng tơnuh ŭnh tih.

Esơra 6:12

Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Jop 6:3

Tơdrong noh trăp hloh kơ chuơh đak dơsĭ! Yua kơ noh bơih na inh pă kĕ ĕnh pơma.

Horiso 106:17

Teh hơđang na luăn Đathan păng 'bŭ klơ̆p lê̆ khŭl Abiram.

Horiso 18:38

Inh 'bet lu sư mah klĕch dĭng lu sư mah pă kĕ iung dơ̆ng, Lu sư pơ̆k hloi tơ ala jơ̆ng inh.

Horiso 18:8

Đei 'nhui lĕch đơ̆ng trôm muh Sư, Pla ŭnh khơ̆ng lĕch đơ̆ng 'bơ̆r Sư, soh sa ngar ngŭr.

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 2:5

Dang ei Kră Yang hil mĭl kơ lu sư. Đơ̆ng noh pơrŭng lu sư hăm tơdrong hil kơtang.

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Mathiơ 13:42

na klơ̆m tŭk lu sư tơ dơnâu ŭnh, lê̆ lu sư nhơ̆m hmoi tơkăp sơnĕnh tơ noh.

Mathiơ 13:50

tơlơ̆ tŭk lu sư tơ dơnâu ŭnh, lê̆ lu sư nhơ̆m hmoi kăp sơnĕnh tơ noh.”

Mathiơ 22:7

Thoi noh na 'bok pơtao ơh tơpă, sư wơh lu linh sư năm pơlôch đĭ-đăng lu bơngai mă pơlôch lu bơngai jang kơ sư ei păng soh rông chhông hnam kon pơlei pơla lu sư.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 20:14

Đơ̆ng noh dêh atâu păng yŏng pơgơ̆r tơdrong lôch kư̆m trŏ kơ tơlơ̆ sư tơ dơnâu ŭnh mơ̆n. 'Noh tơdrong lôch mă 'bar.