Horiso 2:7 - Sơ̆p Hlabơar Nơ̆r 'Bok Kei-Dei

⁷ Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Horiso 2:7 Iomraidhean Croise

II Sam 7:14

Inh gô pơm 'bă sư, sư gô jing kon Inh. Tơdah sư pơm yoch, tơpă Inh gô teh bơtho sư hăm sơnguĕt, thoi mĕ 'bă teh bơtho kon;

Jop 23:13

Mă-lei Kră Yang ưh kơ đei tơplih ôh. Bơngai bu pơ̆n tơplih Sư? Tơdrong kiơ Sư wă, Sư pơm hloi.

Horiso 148:6

Sư pơjing ăn kơjăp kơ lu tơmam noh kơjăp dĭng truh tơ ning-mônh ling-lang hloi; Sư ăn tơtă, ưh kơ đei tơhiong ôh.

Horiso 89:27

Inh gô ăn kơ sư jing kon kơdră drŏ-nglo Inh, jing pơtao tih hloh kơ đĭ-đăng pơtao lăm teh âu.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 5:5

Yêsu Krist kư̆m thoi noh, Sư ưh kơ gơh pôk akâu Sư kơdih pơm 'bok soi tih ôh, 'Bok Kei-Dei pôk Sư. 'Bok Kei-Dei khan kơ Sư thoi âu: “Ih boih Kon Inh, năr âu Inh wă ăn kơ Ih pơgơ̆r.”

Hêbrơ 5:8

Mă khan Sư Kon 'Bok Kei-Dei, Sư kư̆m hơdai pơmat-tat, na Sư băt kơ adrin chu yom kơ 'Bok Kei-Dei.